Home General Aumentonan di gastonan medico por costa Gobierno 200 miyon florin den 10...

Aumentonan di gastonan medico por costa Gobierno 200 miyon florin den 10 aña

42
0
SHARE
- Advertisement -

CAft:

ORANJESTAD(AAN): Durante e conferencia di prensa di CAft Diabierna atardi, presidente Raymond Gradus a papia tambe di e seguridad social y e sector di cuido.

“Aruba tin un bon sistema di seguridad social, unda cu tin un facilidad pa publico pa behez y un aseguro basico pa gastonan medico”.

Esaki segun e presidente, kende a indica cu tin retonan si.

El a splica cu el a wak esaki durante un presentacion di SVB.

Tin un transicion tumando lugar cu tin mester di algun splicacion.

“Tin un transicion demografico, esta cu enbehecimento ta bayendo den un tempo rapido”.

“E cantidad di persona di 60 plus ta aumenta di 21.000 awe pa 36.000 na 2035”.

“Door di esaki e gastonan di AOV ta aumenta cu alrededor di 100 miyon florin, segun calculo di SVB”.

Esaki segun Gradus, kende a indica cu embehecimento di pueblo ta trece otro gastonan cune tambe cu no a wordo menciona pa SVB.

Pa loke ta e asina yama transicion epidemiologico, esaki nifica cu e cantidad di hende cu malesanan cronico lo aumenta den e añanan cu ta bin.

“Ta importante pa señala cu tin un aumento den e casonan di enfermedad di curazon y diabetis y esaki ta nifica cu e gastonan medico y gastonan di aseguro medico ta aumenta tambe pa Gobierno”.

Esaki segun Gradus kende a indica cu SVB a musra riba e hecho cu esaki ta nifica un gasto di mas cu 200 miyon florin den 10 aña.

Un aspecto importante cu mester tene cuenta cune tambe ta cu e poblacion trahador lo baha cu 12% y cu a consecuencia di esaki e crecemento economico por wordo retraza.

“Loke a wordo calcula ta cu e gastonan medico cu actualmente ta mas cu 8% di nos GDP por aumenta te na 18% den e pio caso”.

“Logicamente esaki ta algo cu mester wordo evita”, segun e presidente di CAft.

 

- Advertisement -

DUNA COMENTARIO

Please enter your comment!
Please enter your name here