Home Parlamento Awor buscando forma pa a lo menos rescata un plan pa MFA...

Awor buscando forma pa a lo menos rescata un plan pa MFA San Nicolas

40
0
SHARE
- Advertisement -

Placa a caba cu Gobierno di AVP:

ORANJESTAD (AAN): Tur wowo ta riba e resultado di un rapport cu a sali, y ta pinta un imagen espantoso di e forma con Gobierno di AVP for di aña 2010 te cu 2016 a traha riba 241 proyecto, y e costo di esaki a yega na 1.6 biyon Florin.  Y esey ta placa cu Aruba no tin.

Contraloria General di Aruba a emiti e “Rapport BO Aruba” cu a haci un investigacion riba e forma cu den e seis añanan ey a crea 241 proyecto sin cu nan tin cobertura, cu riesgo negativo, y sin cu a check e consecuencianan financiero pa Aruba.

Diaranzon mainta durante reunion di Parlamento pa discuti e Rapport aki, Alan Howell di Partido POR a expresa su disgusto cu Partido AVP a bay busca voto den San Nicolas, cu hopi promesa di lo bin cu proyecto pa nan.  Pero toch ora cu a atende e proyectonan di edificio MFA pa tur bario, a sali na cla cu tur otro bario si a haya uno, menos San Nicolas.

“Nan a traha tur caminda, menos San Nicolas,” Parlamentario Howell a indica den su discurso.  Pero e ta mira cu toch hendenan di San Nicolas a sigui vota pa e partido ey.

Segun Howell, cada biaha cu e trece e informacion aki, pueblo di San Nicolas tambe ta cuminza mira otro imagen.

Y e rapport aki awor ta mustra cu den e proyectonan di MFA pa rond di Aruba, ni un cent a resta drechi ni pa renoba un Hulpbestuurskantoor, corda pa traha un MFA

Segun Howell a bisa, el a wordo poni na altura cu Prome Ministro Evelyn Wever-Croes ta purba di busca forma pa traha toch un MFA na San Nicolas, of sikier haya placa pa renobacion di esun existente.

Pesey mes Howell a puntra Premier Wever-Croes, ta con leu ta cu alocamento di fondo pa sikiera di San Nicolas bao di e gobierno aki por hay atencion y por hay aun Hulpbestuurskantoor renoba.

 

- Advertisement -

DUNA COMENTARIO

Please enter your comment!
Please enter your name here