Home Policial Boto cu ilegal y tambe marihuana haya pazuid di Curacao

Boto cu ilegal y tambe marihuana haya pazuid di Curacao

241
0
SHARE
- Advertisement -

ORANJESTAD (AAN): Guardacosta di Caribe Hulandes, siman pasa Dialuna ora cu nan tabata patruyando den awanan teritorial di Curacao, a bin topa cu dos boto di piscado na altura di Piskaderabaai.  Uno tabata lastrando e otro rumbo bek pa e isla.

E team di Metal Shark di Guardacosta a bay den nan direccion pa controla nan.  Durante e control aki, nan a bin haya dos stranhero ilegal tambe riba un di e botonan.  Pesey mesora a duna ordo na tur hende, y a dicidi na hiba tur dos boto rumbo pa e pier di Guardacosta.

Douane tambe a bay na e Pier pa haci un investigacion.  Aki a bay controla e dos botonan na forma mas intensivo.  Tanto Guardacosta y Douane a check tur skina di e botonan aki, y asina a bin haya un paki conteniendo marihuana abordo di uno di nan.

E hendenan ilegal, hunto cu e droga y e tripulacion di e boto sospechoso a wordo pasa pa Polis di Curacao pa sigui cu investigacion.

 

- Advertisement -

DUNA COMENTARIO

Please enter your comment!
Please enter your name here