Home Policial Botonan sospechoso hunto cu droga, arma, y un macaco haya na Fuikbaai...

Botonan sospechoso hunto cu droga, arma, y un macaco haya na Fuikbaai na Curacao

647
0
SHARE
- Advertisement -

ORANJESTAD (AAN): Tabata Diadomingo anochi cu Rescue Coordination Center (RCC) di Guardacosta a detecta un boto sospechoso cerca di Fuikbaai na Curacao.  Mesora a manda un unidad di Guardacosta pa check kico ta pasando.

Ora cu e unidad di Guardacosta a mobiliza pa e area, nan a bin nota cu ta trata aki di un Speedboat tipo Yola cu tin 3 Venezolano abordo.  Guardacosta a logra stop e hendenan aki, y a hiba nan rumbo pa e Pier di Guardacosta, y despues pasa pa Polis di Curacao.

Net e momento ey, Rescue Coordination Center a detecta mas boto sospechoso den area di Fuikbaai, y atrobe a manda un speedboat tipo Metal Shark na e area.  Un unidad di Polis di Guardacosta tambe a bay na tera, y tanto Polis como Douane a ser informa.

Na e lugar a bin topa cu dos boto local cu hende local abordo.  E biaha aki, a dicidi na hiba e boto y e hendenan aki tambe pa Pier, y entrega na Polis.

Despues di a check rond den area di Fuikbaai, a bin haya algun paki di droga, tambe un macaco, hemchi cu arma, y tambe municion.

E investigacion den e caso aki ta andando.  E resultado y detencion aki a bira posible danki na e bon cooperacion entre Guardacosta di Caribe Hulandes y Cuerpo Policial di Curacao y Douane.

 

- Advertisement -

DUNA COMENTARIO

Please enter your comment!
Please enter your name here