Home General Censo na Aruba mes lo keda encarga pa imprimi Rijbewijsnan nobo

Censo na Aruba mes lo keda encarga pa imprimi Rijbewijsnan nobo

1352
0
SHARE
- Advertisement -

ORANJESTAD (AAN): E hecho cu Censo Aruba ta bay keda encarga cu imprimi e Rijbewijsnan nobo, nifica cu nan lo bay imprimi y traha nan na Aruba mes.

Esey ta coreccion cu DIARIO a ricibi despues cu a bira conoci cu Aruba ta bay haya un rijbewijs full nobo, cu e biaha aki si ta cumpli cu exigencianan.

Ministro Bikker e siman aki a revela, cu Gobierno ta den proceso y ocupa pa haci un cambio drastico na e carchi di Rijbewijs.  E cambio aki ta encera, cu Censo Aruba lo keda encarga cu esaki, pues e lo wordo imprimi na Aruba mes.  Anteriormente na forma eroneo DIARIO a compronde cu ta na Hulanda.

Aworaki Censo Aruba ta manda traha paspoort na Hulanda.  Pero e sistema di Cedula si ta wordo imprimi na Aruba.  Y awor cu nan ta bay haya Rijbewijs di Aruba, esaki tambe lo socede riba e isla.

Siman pasa mes, Gobierno a aproba e diseño nobo di Rijbewijs Aruba, y cu ta cumpli cu rekesitonan di seguridad internacional.

Ta parce cu e proceso aki ta canando su rumbo rapidamente, y e titular di Husticia ta hasta convenci cu aki algun siman e Rijbewijs nobo aki lo wordo lanza.

- Advertisement -

DUNA COMENTARIO

Please enter your comment!
Please enter your name here