Home Policial Chofer deteni pa intento di asesinato

Chofer deteni pa intento di asesinato

873
0
SHARE
- Advertisement -

Durante control di Motorunit

ORANJESTAD (AAN): Apesar cu carnavalistanan a comporta nan mes durante Parada di Mucha na San Nicolas, despues di e parada, polis a tene nan control di trafico den puntonan strategico.

Vocero di polis, Lito Lacle a informa cu e resultado di e controlnan tabata cu polis a detene 3 chofer pa core auuto bao influencia di alcohol, di cual 1 chofer su rijbewijs a wordo kita; 2 detencion pa maneha auto of brommer sin rijbewijs. Cuatro brommer a wordo confisca pa number no paga y polis a parti 14 multa pa, entre otro, seatbelt, number di brommer no paga y core brommer sin helm.

E caso mas serio tabata trata di detencion di un chofer na altura di Dr. Scheapmanstraat pa intento di asesinato. E chofer aki a manda su brommer riba e polisnan motorisa, menasa contra bida di e polisnan motorisa, resistencia contra su detencion, rijbewijs, seguro, helm y sin number di brommer paga. Recherche di San Nicolas a tuma e caso, pendiente di mas investigacion.

Lacle a remarca cu mas o menos 150 auto a wordo para y e chofernan a wordo controla pa alcohol y nan supla 0 ug/l.  Por a observa cu pasaheronan si tabata mustra hopi cansa. Cu otro palabra e chofernan a bira conciente cu no por maneha auto bao di influencia di alcohol.

- Advertisement -

DUNA COMENTARIO

Please enter your comment!
Please enter your name here