Home General Clausura di proyecto Adopt an Alley-Hanchi di Awa di Fundacion Rancho

Clausura di proyecto Adopt an Alley-Hanchi di Awa di Fundacion Rancho

61
0
SHARE
- Advertisement -

ORANJESTAD (AAN): Diahuebs atardi a tuma lugar clausura di proyecto ‘Adopt and Alley-Hanchi di Awa’ di Fundacion Rancho. Presidente di e fundacion, Sr. Clifford Rosa Ginelly Quandt, a bisa cu

e meta di e proyecto aki tabata pa haci e Hanchi di Awa den Rancho un lugar mas safe y funcional pa habitantenan di e bario. Pa medio di sponsor di WEB Aruba N.V., cu a adopta e Hanchi di Awa, nan a logra den 2019 pa haci un limpieza, pone borchi y mural riba murayanan.

E clausura di e proyecto tabata consisti di instalacion di luz solar y un baki di mata den e hanchi. Na e manera aki, Fundacion Rancho kier motiva comunidad di Rancho pa planta mas mata den bario y concientiza Aruba riba importancia di e monumentonan den e bario di Rancho y con pa duna nan e balor cu nan merece.

Segun Ginelly Quandt, coordinador di Fundacion Rancho, den e area na unda nan a pone e planter, tabatin hopi actividad ilegal, manera bende y cumpramento di droga.  Hopi adicto tabata sinta den e hanchi. Awendia pa medio di un intervencion di polis, cu a cera un parti di e hanchi na otro banda na unda tabatin casnan ilegal, a duna nan e oportunidad pa drecha y embeyese e hanchi.

Fundacion Rancho kier a gradici habitantenan di Rancho pa ta pro-activo y sigui mantene ordo den e bario.

 

- Advertisement -

DUNA COMENTARIO

Please enter your comment!
Please enter your name here