Home Gobierno Concepto di Ley presenta na Parlamento pa aumenta castigonan relaciona cu abuso...

Concepto di Ley presenta na Parlamento pa aumenta castigonan relaciona cu abuso di menor

95
0
SHARE
- Advertisement -

Minister Bikker: Tin castigonan cu ta casi ta bay wordo redobla

ORANJESTAD (AAN): Minister di Husticia, Andin Bikker, a anuncia diahuebs den un rueda di prensa cu den dos aña a haci un analisis y e gobierno actual a haci loke e minister di husticia anterior no a logra den 8 aña.

Asina e mandatario a reaccion riba algun critica den su direccion di parti di oposicion.

Bikker a agrega cu na 2014, ex Minister Dowers, cu tabata for di 2009 te na 2013 den gobierno)  a haya un rapport. CPT riba e tema di e prison nobo a bin haci un estudio na Mei 2014 y nan a urge pa traha riba e construccion di un prison nobo.

Durante henter e gobernacion di AVP, nada no a wordo haci.

Segun Minister Bikker, diahuebs a keda di reuni atardi cu Cft riba e tema di e KIA nobo. E reto ta cu a hereda un situacion financiero devastador y partido AVP a mal uza e concepto di PPP (Public Partner Partnership.

AVP no solamente a endeuda e generacion aki pero tambe e generacionnan futuro. E ora Cft corectamente tin su preocupacionnan ora cu tin proyectonan PPP.

Segun e mandatario, loke ta bay splica Cft ta cu e proyecto aki di e prison nobo Aruba mester di dje. E di dos aspecto ta cu e proyecto aki, gobierno ta bin cu un concepto cu ta bonnan cu ta considera nan mes como aandelen (accionnan).

E ora mester percura cu ta paga e interes, pero no tin e obligacion pa paga e ‘principal’. Esey ta un concepto cu Hulanda mes a uza for di siglo 17 bin ariba. Esey ta e concepto cu gobierno a propone, Andin Bikker a señala.

Gobierno ta presenta Hulanda un solucion. Pero si tin un otro solucion pa laga sa, pero na final di dia un solucion kier pa bin cu un KIA nobo, a remarca.

E mandatario a sigui bisa cu tin parlamentarionan ta bay drumi den Parlamento y nan ta lubida cu 4 aña a pasa y nan no a haci nada. Na 2014 nan no a haci nada tampoco y ta haya un raport y despues oposicion ta bisa cu gobierno a haya un raport menos bon y esey no ta berdad tampoco, a indica.

Na 2016,  Rocco Tjon a bira director di KIA y e a haci su maximo esfuerzo pa drecha e situacion eyden.

Recien tambe a haya un raport di November 2019 y den e raport aki tin su retonan, Bikker a manifesta.

Den e raport ta aplaudi e iniciativanan pa yega na un KIA nobo y nan ta bisa cu tin reto. Gobierno actual tin dos aña den gobernacion, pero den dos aña ta haciendo loke den 8 aña e minister anterior no a haci, e mandatario a bisa.

El a pone un ehempel y a agrega cu na 2010, un comision a haci un analisis pa loke ta trata e tematica d abuso di menor. E tempo ey caba a bin un raport cu recomendacionnan. Un di e recomendacionnan tabata pa aumenta e castigo riba e delitonan aki y tambe cu delitonan cu mag di caduca.

Andin Bikker a agrega cu a traha un concepto di ley y a mande parlamento, pa asina aumenta e castigonan riba e tipo di delitonan aki.

Tin castigonan cu ta casi ta bay wordo redobla. A constata cu na Corsow y Sint Maarten e castigonan ta hopi mas halto cu na Aruba. Pesey no ta compronde pakico e gobierno anterior no a realiza esaki, a subraya.

Tin un tabel cu ta mustra con hopi e ley cu a wordo presenta na Parlamento, ayera, ta bay aumenta e castigonan y ta bay zorg tambe cu e crimennan aki no por caduca mas.

 

- Advertisement -

DUNA COMENTARIO

Please enter your comment!
Please enter your name here