Home arte y espectaculo Concierto di Maluma a wordo cancela na Lima

Concierto di Maluma a wordo cancela na Lima

50
0
SHARE
- Advertisement -

ORANJESTAD (AAN): E prome show di e cantante Maluma pa aña 2020 a start riba mal pia.  E concierto a wordo cancela debi na dificultadnan tecnico, y esaki no ta na alcance di e artista.

E concierto tabata planea pa Diahuebs pasa den Estadio Nacional di Lima, pero el a wordo cancela debi cu e lugar deportivo no a haya autorizacion di seguridad di Defensa Civil Peruano, segun e Instituto Peruano di Deporte a laga sa.

Te na ultimo momento nan a trata di mehora e coordinacion pa por haya e certificado di Defensa Civil, pasobra sin e permiso ey nan lo no por pasa over y organiza e evento.

Debi cu no a haya e permiso, esey nifica cu e portanan di Estadio Nacional lo no habri.

Segun informacion di prensa, e concierto a wordo organiza pa Maluma door di un compania internacional di distribucion y bendemento di gas, y ta spera cu na e stadion lo asisti miles di hende.

Nan a reconoce cu lamentablemente hopi hende a hasta yega te na e Stadion, y e compania cu cual nan a firma e contract lo mester a informa e publico di e cancelacion.  Di nan banda, fanaticonan a keha cu nan no a haya ningun clase di informacion.

Maluma mes di su banda a pone un video riba social media den cual e ta lamenta di no por a presenta den Estadio Nacional, apesar cu el a yega Diahuebs atardi na Lima.

El a bisa cu e tabatin hopi gana di canta pa publico di Peru, pasobra esaki tabata e prome show di dje den 2020, y como 27.000 fanatico a cumpra ticket pa mira e concierto.

Ademas di Maluma, tabatin planea e presentacion di cantantenan Daniela Darcourt y Ezio Oliva, como tambe e grupo popular di cumbia Hermanos Yaipén.

 

- Advertisement -

DUNA COMENTARIO

Please enter your comment!
Please enter your name here