Home Salud Contract cu Dr. Mungra – AZV ta finaliza y e lo wordo...

Contract cu Dr. Mungra – AZV ta finaliza y e lo wordo reemplaza pa Dr. Aruna Singh

402
0
SHARE
- Advertisement -

Mas di 2 mil pashent lo wordo traspasa automaticamente

ORANJESTAD (AAN):   Vocero di AZV, Solange Tchong, a duna di conoce cu AZV ta hopi agradecido cu Dr. Mungra.

E medico pa hopi aña, desde 2001 ora AZV a cuminza, a duna servicio na e aseguradonan.

Ta conoci cu ora cu e docternan yega na un edad di 65 aña, e contractnan ta finaliza. Den e caso di Dr. Mungra, entrante 1 di Maart 2020 su contract ta stop cu AZV.

Esaki ta nifica cu AZV tin cu bay haci un traspaso automatico di su pashentnan pa nan haya un docter di cas nobo, Tchong a splica.

AZV ta haci esaki como un servicio y tambe pa facilita cu e cuido medico por sigui pa e pashentnan di Dr. Mungra. Locual AZV a haci ta controla bek e cantidad di pashent cu e tabata tin.

Dr. Mungra, cu tabata atende na Santa Cruz, tabata tin pashentnan cu ta biba pariba di brug, pero cu tog tabata inscribi y haciendo uzo di su servicionan. Tur pashent cu ta biba pariba di brug, cu ta un grupo di 157 pashent, AZV a dicidi di traspasa e pashentnan aki automaticamente pa Dr. Veringa na San Nicolas.

Dr. Veringa ta uno relativamente nobo pero cu ya caba tin algun tempo trahando. E pashentnan lo ricibi un carta.

Un otro grupo di AZV a wak den e administracion di Dr. Mungra tabata pashentnan biba den Papilon of den e region di Santa Cruz, pero un tiki mas leu. Esaki ta rond di 175 pashent.

AZV a duna nan un traspaso automatico pa Dr. Kenneth Croes cu tambe tin su consultorio na Santa Cruz, den area di Botica Maria. Kiermen, Dr. Croes a haya 175 pashent for di Dr. Mungra y e pashentnan aki tambe lo ricibi un carta pa informa nan cu nan tin un docter di cas nobo, Solange Tchong a indica.

E ultimo grupo cu tabata inscribi cerca Dr. Mungra, cu ta e grupo di mas grandi entre 2000 pa 2400 pashent, nan ta bay wordo traspasa automaticamente pa un docter di cas nobo cu ta Dr. Aruna Singh, kende ta naci na Suriname pero cu a studia na Suriname y na Hulanda. Na 2011, el a bin biba na Aruba.

Dr. Singh ta domina Papiamento, Ingles, Spaño pa un total di 8 idioma. AZV ta kere cu e ta bay ta un bon reemplazo di Dr. Mungra. E lo duna su servicionan na Jan Flemming 5k, e vocero di AZV a señala.

Segun Tchong, si en caso e pashent no ta bay di acuerdo cu e doctor di cas nobo, e ora e tin oportunidad pa wak den e capacidad cu tin disponibel pa por bay cerca un otro doctor.

Loke si AZV ta haci ta pidi tur asegurado pa duna e doctor nobo un oportunidad. Consulta cune y wak con esey ta bay. E meta di e traspaso automatico ta esey y pa tin e continuidad di cuido medico.

 

- Advertisement -

DUNA COMENTARIO

Please enter your comment!
Please enter your name here