Home General Controlado oficial di pais a señala actonan contra ley

Controlado oficial di pais a señala actonan contra ley

307
1
SHARE
- Advertisement -

Ley ta exigi Parlamento splica pueblo kico a pasa cu 1.6 Biyon

 *Gobierno anterior a nenga di defende su mes na 2017

*Te awe autoridad administrativo ta investiga e abuso di placa 

A yega e momento pa mundo politico stop di hunga politica y realisa cu pueblo ta paga politiconan pa traha pa pueblo segun ley y no ta nan bira dios na mundo.

Aruba a sufri demasiado na man di politiconan cu a hunga cu palabranan masha eleva pa hustifica abuso directo di placa di pueblo y confiansa di pueblo.

DIARIO tabata e medio di comunicacion cu for di 2018 ora oficialmente e rapport di Algemene Rekenkamer Aruba a subi mesa, informa Aruba cu algo sumamente serio a pasa cu placa di Aruba contra ley cu ta proteha bienestar di pueblo.

Awe ta increibel cu den mundo politico ta trata di crea cerca pueblo di Aruba e pensamento, cu ta politica ta wordo hunga cu tratamento di e rapportnan di Algemene Rekenkamer Aruba, cu ta e autoridad maximo pa dicidi si un gobernacion a uza placa di pueblo segun ley of no.

E rapportnan di Algemene Rekenkamer Aruba claramente ta demostra cu no solamente gobierno anterior pero cu e mayoria den parlamento cu a sostene gobierno anterior no a tene nan mes na ley cu ta splica con ta atende cu placa di pueblo y ta haci e forma cu a gasta placa di pueblo un asunto contra ley.

E hecho cu Aruba ta wordo goberna a base di ley, ta haci cu ni politico cu hopi biaha ta crea e impresion cu nan no conoce ley, ta haci cu berdad ta sali dilanti pa un pais cu a sufri y ta sufri pa loke politiconan a haci cu su placa.

Nos a splica cu e prome rapport di Algemene Rekenkamer Aruba a tarda pa oficialmente wordo trata den Parlamento. Pakico nos a haci esaki? Pasobra Ley ta exigi pa tur rapport di Algemene Rekenkamer Aruba wordo publica pa pueblo haya sa con placa di pueblo ta wordo uza.

Gobierno ta haya oportunidad pa defende su mes contra tur rapport di Algemene Rekenkamer Aruba y splica pakico el a tuma decisionnan.

Na inicio di 2017, Gobierno di Aruba pa medio di Ministro Benny Sevinger a ricibi e rapport di Algemene Rekenkamer Aruba cu acusacionnan pisa pa e forma cu gobierno anterior y e mayoria cu a sostene gobierno anterior den Parlamento, a atende cu e pot di 1.6 Biyon.

No a contesta Algemene Rekenkamer Aruba manera ley ta exigi. Ora un Gobierno nobo a sinta, a manda un contesta pa Algemene Rekenkamer cu despues na Maart 2018 a presenta e rapport na Parlamento di Aruba.

Un miembro di Parlamento di Aruba a pidi Ministerio Publico pa manda informacion na Parlamento riba posibel actonan criminal den e forma cu a gasta placa. Un contesta no a drenta di Ministerio Publico pero Algemene Rekenkamer Aruba a sigui investiga e forma cu tabata y ta atende cu e proyectonan PPP cu awe ta mata e cartera di e pueblo di Aruba.

E ultimo rapport di Algemene Rekenkamer Aruba cu ta controla con gobierno actual ta atende cu e materia, ta mustra cu tin cambio pa miho den e maneho pero te awe tin riesgonan grandi pa e forma cu gobierno anterior no a traha segun regla.

Awe Parlamento mester duna pueblo splicacion di loke a pasa cu su placa. Parlamento mester splica pueblo con Aruba a wordo hinca den riesgo grandi.

Loke a pasa cu placa di pueblo no tin nomber, manera por deduci for di rapportnan cu na cualkier empresa priva, lo a conduci na retiro directo di tur concerni y casonan na Ministerio Publico.

- Advertisement -

1 COMMENT

DUNA COMENTARIO

Please enter your comment!
Please enter your name here