Coronavirus ta stop congreso telefon mobil y app

    218
    0
    SHARE
    - Advertisement -

    Na un forma dirigi DIARIO a pronostica loke a bira realidad

    *Compania gigante manera Nokia, Facebook, Amazon no ta topa

    * Miedo ta hit maximo evento mundial negoshi den telefon mobil

    ORANJESTAD(AAN)–Na momento cu DIARIO a cuminsa adverti pa e resultadonan cu e coronavirus nobo lo tin pa economia mundial, e matutino di Aruba a mustra cu mester tene tur aspecto economico na consideracion.

    DIARIO a papia directamente riba e comunicacion internacional pa medio di medionan social cu lo por tabata na wega.

    Ayera e peliger cu coronavirus a bira pa economia mundial y e impacto cu e por tin riba e negoshi mundial di comunicacion cu telefon mobil, a bira noticia internacional.

    LGO, Ericsson, Huawei, Nvdia, Amazon, Sony, Nokia, Intel, AT&T, Cisco, Facebook ta riba nomber di e lista di companianan internacional cu lo a reuni na Barcelona.

    Un total di Cien Mil participante cu ta representa e industria sumamente importante di comunicacion mobil cu a bira parti total di bida di Arubianonan tambe, a ricibi un notificacion cu e evento no por continua debi na e menasa di e coronavirus nobo.

    E informacion rapidamente a plama rond mundo cu a wordo notifica cu e loke ta centro di e negoshi di Smartphone y ta haci posibel pa continuamente hende ta den contacto cu otro rond mundo, no ta tuma luga mas pa 2020 y ta pospone pe 2021.

    Ta trata di e evento mas importante di tur compania cu ta afilia na e negoshi di comunicacion pa medio di telefon mobil, cu ta comunica hende pa medio di entre otro Facebook.

    “App” a bira un practica diario den bida moderno y na e congreso Cien Mil representantenan di tur loke e negoshi mundial ta encera lo a haya oportunidad di papia di beneficionan nobo pero tambe di haci negoshi directamente cu otro.

    Na e congreso aki hopi bes ta entrega pedido pa productonan cu ta riba mercado.

    DIARIO  a sigui tur informacion cu a drenta di e cancelacion di e evento solamente 13 dia prome cu e mester a tuma luga na Barcelona, Spaña, cu ta sufri un perdida di 492 Miyon Euro.

    Informacionnan cu DIARIO a ricibi ta mustra cu na un forma acelera Aruba mescos cu resto di mundo, ta cuminsa tuma nota di e resultadonan directo cu e coronavirus nobo.

    DIARIO for di un prome instancia a adverti tambe cu mester tene na consideracion cu hopi aparato y piesa pa aparato cu ta wordo uza pa comunica actualmente ta wordo produci na China, cu por lo pronto no tin produccion debi na e medidanan cu a tuma pa stop e coronavirus nobo.   

    - Advertisement -

    DUNA COMENTARIO

    Please enter your comment!
    Please enter your name here