Home General Crea un mañan nobo den un caos mundial

Crea un mañan nobo den un caos mundial

5
0
SHARE
- Advertisement -

Liderazgo na Aruba ta alcansa punto maximo di responsabilidad 

*Siguridad basico pa planifica ta disparce den desaroyo global

*E mundo di cual Aruba ta depende ta den estado di emergencia 

ORANJESTAD (AAN) — 2020 mester a bira e aña di cambio di Aruba. Na 2020, e pais mester a cuminsa construi un economia nobo den cual un maneho financiero nobo lo a presenta e solucion pa futuro.

Pa por planifica mester di cierto ingrediente. Mester por calcula kico resultado di cada accion lo ta y cual ta e miho caminda pa cana pa yega na e logro desea.

Schrikkeljaar 2020 tabata tin sorpresa desagradabel pa Aruba cu na 2019 ya a wordo afecta pa e desaroyonan na Venezuela, cu ta den un estado di guera civil.

Siguridad nacional a wordo afecta den tur sentido. Gruponan arma na Venezuela tabata crece den un situacion di dos presidente y ambiente di conflicto internacional.

Na mes momento Aruba mester a atende cu mas refugiado politico y social cu e region Caribense tabata produci.

Recuperacion di Aruba sigur tabata depende di mundo tambe pa motibo di e necesidad pa atrae companianan cu por a yuda den creacion di un base solido pa economia.

Cu 2020 lo a bira dificil tabata conoci. E mercado turistico mas grandi di Aruba mester bay urna electoral na 2020. Aruba su bista tabata dirigi riba e sucesonan na Merca pero tambe riba loke Brexit, e salida di Reino Uni for di Europa, lo a produci.

E coronavirus nobo no tabata den e preparacionnan cu Aruba mester a tuma pa den creacion di un base economico nobo, atende cu e velocidad di cambionan tecnologico y climatologico cu lo exigi atencion special di gobernacion.

DIARIO for di final di 2019 a guia Aruba den loke futuro por trece y na momento cu e coronavirus nobo a bati na porta, a mustra riba implicacion cu e por tin pa Aruba como isla di turismo pero tambe dependiente di sucesonan mundial.

Temporada di Carnaval a termina y Aruba mester por saca bentaha di e temporada mas importante di turismo cu ta termina normalmente despues di Pasco Grandi.

Aruba hamas por a prepara su mes pa e situacion mundial caotico cu awe ta bira un exigencia adicional pa liderazgo na Aruba, cu mester mira riesgo directo pa su economia y hasta bida diario haya dimension mas grandi cada rato.

Na Merca medidanan ta wordo tuma. Na Hulanda a cuminsa actua. Biahe cu ta base di turismo ta bira cada rato mas controversial. Mercado mundial di balornan ta den problema.

E temporada despues di Carnaval mester a bira e momento cu gobierno Wever-Croes lo a presenta presupuesto, yega na acuerdonan final cu Citgo y anuncia puntonan di salida nobo pa Aruba.

Na e momento aki ningun pais na mundo por duna siguransa kico ta bay pasa. Aruba mester economisa y tene cuenta cu gastonan nobo cu e situacion actual lo produci y pa cual no tin reserva di placa disponibel.

Liderazgo di e pais ta bini cu exigencianan nobo pa gobernacion den un situacion di caos mundial.

- Advertisement -

DUNA COMENTARIO

Please enter your comment!
Please enter your name here