Home Salud E structura di Coronavirus tin un debilidad grandi pa desinfectantenan y pa...

E structura di Coronavirus tin un debilidad grandi pa desinfectantenan y pa solo

758
0
SHARE
- Advertisement -

Docter Salazar:

ORANJESTAD  (AAN): Diaranzon Departamento di Salud Publico (DVG) a tene un rueda di prensa, pa papia riba e ultimo desaroyonan rond di Coronavirus.

Jurette Croes di DVG a splica cu recientemente WHO a manda un alerta na mundo henter, cu nan ta predici cu Coronavirus (Covid-19) lo bira un pandemia.

“Nos por conclui cu Aruba no ta bay ta un excepcion den esaki”.

“Ta cuestion di dianan of oranan cu nos tambe lo keda confronta cu e virus aki riba nos isla”.

Esaki segun Croes, kende a sigui bisa cu e pregunta ta bay ta con prepara nos pueblo ta bay ta pa cu esaki.

Docter Wilmer Salazar, consehero medico di DVG tambe a hiba palabra.

E docter a bisa cu rond di mundo tin un panico coriendo tocante un virus cu ta comportando actualmente como un ‘seasonal virus’.

“Un virus den cual 30% di e casonan ta sintomatico, mientras cu 60 pa 70% ta actua den un forma leve y masha poco den un forma grave”.

“E problema ta cu e panico a wordo crea, door cu hendenan a cuminza bisa cu e virus a wordo traha den laboratorio pa crea un efecto di Bio Terorismo”.

“Esaki siendo cu varios cientifico rond mundo di organizacionnan renombra di salud a sostene cu esey no ta berdad”.

Esaki segun Salazar, kende a sigui bisa cu e Covid-19 a sali di un animal y a bula pa un ser humano.

E docter a sigui bisa cu a bin miedo pasobra e ta un virus nobo, cu e no ta uno mucho conoci y cu ainda no tin un vacuna of tratamento efectivo pe.

Cientificonan sinembargo ta trahando duro riba esaki.

Salazar a indica tambe cu tin hende cu ta haci uso di diferente medio social pa crea un situacion explosivo cu por crea un caos innecesario den e parti social y economico di un pais.

“Nos sa cu e virus aki ta afectando hendenan mayor di 30 aña y cu mayoria di esnan cu a muri di e virus ta hendenan mayor di 60 aña, of hendenan cu tin algun problema di salud caba”.

“Hendenan cu ta mas afecta ta hendenan cu ta debil imunologicamente”, segun Salazar, kende a indica cu China tin ma cu 1 biyon di habitante y eynan tin mayor posibilidad di crea chaos.

El a sigui bisa cu tin dos tipo di influenza cu ta causa mucho mas morto cu e Covid-19 y pa cu esaki e hendenan no ta mes preocupa cu pa e Coronavirus.

Esaki door cu tin vacuna y tratamento pa eseynan.

“E situacion actual ta cu e Coronavirus poco poco ta plama, unda cu tin casonan na Italia, Austria y Spaña, pero hopi limita si”.

“Cada un di e paisnan ta tumando nan medidanan, mescos cu Aruba”.

“Den tur e recorido di e virus aki na otro pais y continentenan, e ultimo lugar unda cu e ta yega ta na nos area”.

Esaki segun Salazar, kende a sigui bisa cu hopi biaha ora cu e virus yega e area aki e ta asina hopi debilita, cu e consecuencianan ta minimo.

E docter a bisa cu tempo rond mundo tabata tin casonan di Swine Flu, nunca un hende na Aruba a muri di esaki.

“E casonan tabata bon controla, pues Departamento di Salud ta actuando cu e mesun deber y responsabilidad pa vigila y monitor e desaroyo di un continente cu ainda ta leu di nos, pero cu nos mester ta prepara pe”.

“Si e virus yega aki nos por contene y evita locual cu por pasa den un situacion peor cu por crea daño y morto”, segun Salazar, kende a sigui bisa cu e structura di e virus aki tin un debilidad grandi pa desinfectantenan y pa solo y e ta un virus cu lo por wordo controla den e area di medio ambiente.

 

- Advertisement -

DUNA COMENTARIO

Please enter your comment!
Please enter your name here