Home CORTE Dos miembro di Inmigracion condena na 2 y 1 aña y 9...

Dos miembro di Inmigracion condena na 2 y 1 aña y 9 luna di prison pa yuda stranhero keda Aruba

317
1
SHARE
- Advertisement -

Tur dos ta prohibi pa 5 aña haya trabou den Gobierno

ORANJESTAD (AAN) – Hues a haya e dos miembronan di Inmigracion culpable di casi tur e acusacionnan. Hues a confirma e exigencia di Fiscal y a condena e homber J.H. na 2 aña di prison y e dama S.G. na 1 aña y 9 luna di prison. Tambe Hues a ordena pa durante 5 aña e duo aki no por traha den Gobierno.

Tratamento di e caso aki a tuma lugar aña pasa. E acusacionnan cu Fiscal a presenta contra nan ta cu e homber J.H. a yuda hendenan stranhero ilegal keda Aruba. Tambe cu J.H. lo a falsifica documento di estadia y tabata cobra 1200 dollar pa esaki. E dama S.G. lo a haya placa pa regla estadia. J.H. lo tabata pone informacion falso di computer pa asina e stranheronan por keda na Aruba. Tambe e duo ta wordo acusa di ta forma parti di un organizacion criminal.

EXIGENCIA DI FISCAL

Fiscal ta haya legalmente proba e acusacionnan. Fiscal a cuestiona e hecho con miembronan di Inmigracion ta haci asina y tabata haya placa. Nan a viola e reglanan estableci pa asina tin un control debido riba tur hende cu ta drenta Aruba. Fiscal ta haya cu mester manda un señal bon cla cu esaki no ta acceptable. El a exigi 2 aña di prison pa J.H. y 1 aña y 9 luna di prison pa S.G.

SENTENCIA

Hues ayera mainta a bisa cu e ta haya legalmente proba cu J.H. a haci cosnan pero no a wordo cumpra. Na opinion di Hues, J.H. no a haya placa for di e muhernan. Pa loke ta organisacion criminal, Hues ta haya J.H. culpabel.

Hues a bisa cu a keda proba cu tabatin muhernan cu tabata busca clientenan pa J.H. pa asina e regla nan estadia. Tres muher Venezolano J.H. a yuda drenta Aruba siendo nan no tabatin placa. Hues a tuma J.H. na malo cu como funcionario di Inmigracion a haci esaki.

Hues ta haya cu J.H. a abusa di e confianza cu Inmigracion a pone den dje. Hues a confirma exigencia Fiscal y a condena J.H. na 2 aña di prison y cu pa 5 aña e no por traha como ambtenaar.

Pa loke e muher S.G., Hues ta haya cu a keda legalmente proba cu S.G. a haci cosnan pero no cu a wordo cumpra door di e 3 muhernan Venezolano cu J.H. a bis’e. Hues ta haya cu S.G. si a wordo cumpra door di otro y tabata forma parti di un organisacion criminal.

Hues a tuma na malo cu como funcionario di Inmigracion a haci esaki. A abusa di e confianza cu Inmigracion a pone den dje. Hues a confirma exigencia di Fiscal y a condena S.G. na 1 aña y 9 luna di prison. Tambe Hues a ordena cu pa 5 aña, S.G. no por traha como ambtenaar.

 

- Advertisement -

1 COMMENT

DUNA COMENTARIO

Please enter your comment!
Please enter your name here