Home Policial E aña aki a detene 31 persona durante Parada di Luz San...

E aña aki a detene 31 persona durante Parada di Luz San Nicolas

237
0
SHARE
- Advertisement -

ORANJESTAD (AAN): Diahuebs anochi pa 8:00 pm, tanto Organizacion SMAC conhuntamente cu Cuerpo Policial a start na ora, e Parada di Luz na San Nicolas.

E anochi aki tabatin 9 grupo, y esaki a conta cu un multitud di como 4.000 participante.

Cuerpo Policial mes tabatin 160 funcionario riba caya.  Vocero Policial a divulga na DIARIO, cu e funcionarionan aki a bin di diferente departamento di Cuerpo Policial.  Nan tur a traha hunto, entre otro Polis Uniforma, Mobiele Eenheid, Motor Unit, K-9, Mobiel Commando, Departamento di Recherche, Personal administrativo y tambe Commando Kamer.

Tambe personal di CEA a duna un man.

E parada a core e ruta, y a dura poco mas di 4 ora pa e cabez a yega final dilanti Joe Laveist Sportpark.  Polis a bisa cu tabata 12:35 am cu e cabez a yega final.

E rabo di e parada mes a drenta pa 1:50 am.

E comportacion di hendenan no tabata asina hopi di gaba pa 2020.  Polis a relata cu un total di 31 hende a keda deteni, sea pa buracheria, mal comportacion, of no sigui ordo di Polis.

Esaki ta 94% mas hopi compara cu e aña anterior.  Por corda cu na 2019, e cantidad di detencion na Parada di Luz tabata 16 persona.

- Advertisement -

DUNA COMENTARIO

Please enter your comment!
Please enter your name here