Home Parlamento E vision antes di AVP pa crea hopi proyecto pa yuda economia...

E vision antes di AVP pa crea hopi proyecto pa yuda economia a resulta di ta un fayo grandi

30
0
SHARE
- Advertisement -

ORANJESTAD (AAN): Tur wowo ta riba e resultado di un rapport cu a sali, y ta pinta un imagen espantoso di e forma con Gobierno di AVP for di aña 2010 te cu 2016 a traha riba 241 proyecto, y e costo di esaki a yega na 1.6 biyon Florin.  Y esey ta placa cu Aruba no tin.

Contraloria General di Aruba a emiti e “Rapport BO Aruba” cu a haci un investigacion riba e forma cu den e seis añanan ey a crea 241 proyecto sin cu nan tin cobertura, cu riesgo negativo, y sin cu a check e consecuencianan financiero pa Aruba.

Diaranson mainta tabatin un reunion den Parlamento pa asina trata e seriedad di e rapport aki, y e puntonan asombroso cu a ser descubri aden.

Algo cu a keda subraya den e rapport ey, ta con na 2013 a nota inconsistencia di e forma con presupuesto ta wordo maneha, esta cu tabatin ‘overschrijding’, y Gobierno no a ni bay Parlamento pa pidi aprobacion di antemano.

Pasobra leynan ta poni cu Gobierno tin di bay pidi aprobacion prome!  Gobierno no mag bay despues pa pidi pa un placa cu ya caba bo a gaste, y principalmente e forma y e cantidad cu bo a gasta.

Parlamentario Setty Yarzagaray di MEP tambe a mustra con Raad van Advies a bin cu un relato anual di 2013, unda ta poni cu no ta sostene e puntonan ey.  Pues e Ministro cu no a pidi aprobacion prome, ta cometiendo algo ilegal.

Raad van Advies a hasta sugeri pa Parlamento introduci un ley di indemnidad (“indemniteits-wet”) pasobra actonan asina na nan opinion, e Ministro por wordo persigui civiel rechtelijk den Corte.

Pesey mes, Parlamentario Setty Yarzagaray ta desea si acaso a traha riba e introduccion di e “indeminiteits-wet” aki a wordo traha riba dje of no.

Pues por mira cu Gobierno di AVP a splica cu e motibo pakico a bin cu e vision di ‘inverti na Aruba’ tabata pa crea efecto economico.  Pero awor na 2020 nos tur sa cu esaki no a duna su resultado.  E vision di AVP ta un fail grandi.

Awor na 2020 por mira via di rapportnan, cu hopi gastamento di placa a socede, y pa colmo mayoria di placa a bay pa companianan di exterior, pues hopi divisa pues a sali di e isla.

Por bisa awe, cu e vision di AVP no a slaag, y tampoco no a draai e om.

- Advertisement -

DUNA COMENTARIO

Please enter your comment!
Please enter your name here