Home General FADA a lanza tres mini-clips pa concientiza mayornan riba uzo di alcohol

FADA a lanza tres mini-clips pa concientiza mayornan riba uzo di alcohol

52
0
SHARE
- Advertisement -

ORANJESTAD (AAN): Diabierna mainta Fundacion Anti Droga Aruba (FADA) a haci e presentacion oficial di nan recien mini-clips.

Rulliene Arends, Trahador Preventivo di FADA a laga sa cu e 3 mini-clips ta menos di 20 seconde unda nan ta informa riba diferente forma di duna mensahe cual ta bay estrictamente dirigi na e adultonan.

Hopi biaha nan ta focus riba hoben, pero e biaha aki nan kier dirigi na e grupo di mayor cu tambe ta bebe alcohol y tin cu para keto un rato riba e parti aki tambe y duna un tiki mas enfasis riba e mensahenan aki, Arends a indica.

E parti mas importante den e bon relacion entre mayor y yiu ta comunicacion tocante e peligernan cu e hoben ta topa cune y dune e hermentnan na momento cu e hoben tin un grupo di amigonan cu ta push’e pa purba alcohol.

E  muchanan mester ta conciente di kico pa bisa ora nan ta sinti intimida. Eynan ta unda e mayor tin cu comunica bon cu e yiu y splik’e kico por pasa y kico nan por haci na e momento ey.

Rulienne Arends tambe a duna di conoce cu awor tin e dos ultimo siman di carnaval cu ta esunnan mas druk. FADA ta bezig cu Amigo DIDI.

Nan por a haya for di Cuerpo Policial informe cu tabata tin simannan cu cero detencion locual ta hopi bon. Tambe a para un cantidad grandi di auto pa control y a ripara cu esun na stuur no tabata bao di influencia. Esunnan bao di influencia tabata pasahero.

FADA ta wak cu e mensahe di Amigo DIDI ta yegando eyfo. Pesey e ultimo dianan aki FADA kier recorda tur hende pa ta conciente. “Si bo sa cu bo ta bebe alcohol zorg pa bo tin bo Amigo DIDI, zorg pa tin un hende pa laga bo yega cas safe y no solamente pa bo pero pa e resto di automobilistanan y carnavalistanan cu ta bay pa enjoy tambe”, Arends a subraya.

Unabes cu tur hende ta sigui e consehonan aki, carnaval lo por ta uno sin detencion, sin peleanan y sin agresividad, a agrega.

Pa loke ta e mini-clips, Juendell Sprock, director di FADA a duna di conoce cu nan a wordo acerca pa Romar Trading cu ta wak e problematica di abuso di alcohol cu tin den comunidad.

E compania a acerca FADA pa asina traha hunto y bin cu algun video educativo/preventivo pa por pone enfasis riba e problematica. A pone enfasis riba tres topico: core bao di influencia di alcohol, no consumi alcohol rond di mucha y concientiza pa e hendenan ta mas responsabel.

Esaki ta e parti unda FADA ta pone focus riba e concientizacion di e adultonan pa loke ta uzo di alcohol, Sprock a indica.

- Advertisement -

DUNA COMENTARIO

Please enter your comment!
Please enter your name here