Home Policial ‘Faya bo Haya’ ta keda na vigor durante e ultimo tres paradanan...

‘Faya bo Haya’ ta keda na vigor durante e ultimo tres paradanan di carnaval

239
0
SHARE
- Advertisement -

Corda cu baricadanan tey pa un motibo

ORANJESTAD (AAN):  Liliana Rasmijn, Vocero di Cuerpo Policial a laga sa cu loke nan a ripara durante carnaval y cu kier haci un apelacion riba dje ta cu esun cu ta para banda di caminda cu e baricadanan ta wordo poni pa un motibo.

KPA a confronta nan mes cu hopi caminda unda e baricadanan ta wordo baha cu mester hisa nan bek.

E baricadanan ta wordo poni pa e hendenan no bay drenta den e parada y stroba e parada. E tin su funcion. Tin baricadanan cu te hasta a wordo kibra. Si ta bon e hendenan cu a kibra e baricada lo mester para responsabel y paga e daño haci, Rasmijn a subraya.

Pa loke ta comportacion, e ta bayendo bon, segun e polis. KPA ta purba di ta mas tolerante cu ta posibel, pero ‘Faya bo haya’ ta keda na vigor. Por yega e momento cu un hende tin cu bay cera innecesariamente.

Liliana Rasmijn a remarca cu pa e ultimo siman aki, comportacion ta sumamente importante. Ta haci un apelacion pa no bay carnaval cu muchanan chikito y menos e parada di luz. E dos parada grandi ta largo y lo tin hopi solo.

Den caso cu ta bay cu mucha mester ta responsabel y zorg pa tin suficiente awa, sunblock y earplugs. E aña aki a enfatiza riba esaki masha hopi mes y e reaccion tabata basta positivo.

E parti di prevencion na cas tambe ta hunga un rol. Ora di bay parada bisa bo bisiña pa tira un bista of pa tin un ‘neighborhood watch’  unda cu pa medio di chat por comunica cu otro y asina un ta tira bista riba cas di otro.

Ora di sali for di cas zorg pa e bentananan y porta ta bon cera. Pa cura di cas ta cera y pa no laga cosnan valioso den cura cu por bira un atraccion pa ladron.

Durante e paradanan e patruyahe ta keda mesun cos. Tin suficiente polis pa loke ta paden como pafo di e parada, e vocero di KPA a señala.

- Advertisement -

DUNA COMENTARIO

Please enter your comment!
Please enter your name here