Home General Gobierno di China debe mundo algun contesta riba virus

Gobierno di China debe mundo algun contesta riba virus

145
0
SHARE
- Advertisement -

Bida normal di Aruba y henter mundo a wordo afecta

*Despues di dokter awor ta periodistanan sincero ta disparce

*Panico ta stroba mundo cuestiona loke a pasa na China

ORANJESTAD(AAN)–Dokternan na China cu a bati alarma via medionan social for di tempran, mester a cera nan boca. Awor uno di nan sigur no por papia mas pasobra su entiero a tuma luga na China.

Ayera ta periodistanan cu kier entrega berdad na mundo a disparce na e pais comunista conoci pa su crimennan contra ser humano.

Kico a pasa na China? Con por ta cu na un pais cu kier ta na cabes di tecnologia na mundo, no a realisa cu un malesa sumamente peligroso tabata avansa?

Pakico a malesa por a plama cu rapidez na China y pakico e enfermedad ta parce d ta mas peligroso na China cu na resto di mundo?

Awe DIARIO ta presenta preguntanan cu mester haya contesta un dia of otro. Pa un malesa plama mester di cierto condicion cu ta permiti un malesa haci loke e coronavirus nobo a haci.

Awor ta wordo papia di e condicion di tempo na China. Pa mayoria di Arubiano, solo ta briya henter dia na China loke no ta berdad. China conoce winter, manera awor ta e caso y China ta pais di yobida continuo, cu partinan di e pais cu por bira sumamente friu of extremadamente calor den winter of zomer.

Con condicionnan di bida ta na China? Malisimo. Un grupo ta sali beneficioso den e sistema politico pero un grupo grandi, manera DIARIO a mustra anteriormente, no ta come saté di porco ni baca pero di djaca, colebra enfin e animal cu presenta su mes dilanti e persona cu mester come.

Ta den situacionnan humano horibel e coronavirus nobo a nace. Cifranan a subi manera fli na China cu awor a dicidi cu e ta cambio su sistema pa registra victima loke a haci cu e cifranan a bay halto.

Ki edad e victimanan mortal di e coronavirus nobo tin? Un asunto cu mester bini dilanti ora ta papia di morto na China y pafo di China. Por ehempel na Hapon a registra morto di un dama di 88 aña cu a haya e enfermedad. Edad ta hunga un papel? Ki edad e victimanan na China tin?

A isola China for di mundo. Esaki ta haci cu tur Chines cu keda China tin chens di bira malo of muri? Durante e prome simannan, China a haci uzo di tecnologia pa splica pakico hende ta muri di e malesa?

Tin demasiado pregunta pa contesta mundo, cu porfin ta busca un solucion pa hende riba crucero por baha na un luga caminda nan por drenta cuarentena y evita nan di forsosamente core riesgo sin haya yudansa cu mester tin.

Na Aruba tambe tin hopi pregunta. Mescos cu rond mundo, mayoria di Arubiano tin miedo di e malesa. Cuanto hende ta drenta y sali legal of ilegal?

Con grandi e peliger ta na Aruba cu un clima diferente di China, miho condicion di higiena cu China?

China tin e deber di habri su boca y papia berdad. Con realmente e coronavirus nobo a desaroya? Pakico a tarda pa bati alarma y pakico awor ta adapta cifranan mortal? Con e victimanan a muri? A duna nan bon alimentacion y bon cuido medico?

Un pais cu kier domina mundo cu tecnologia, mester por contesta pregunta na un mundo, caminda tur hende tin miedo di otro pasobra tur hende tin miedo di haya e enfermedad.

Kico a pasa realmente na China y ta pasa realmente na China awe? Tin dos China. E China cu ta hunga master den mundo y e China di miseria. Cual di e Chinanan ta victima?

Tur cos ta indica cu ainda tin informacion importante cu mester mira luz. Esaki ta hustamente e problema pasobra ta dificil cende luz na China.

- Advertisement -

DUNA COMENTARIO

Please enter your comment!
Please enter your name here