Home Bites Hopi hende encanta cu e Digital Assistants na banco cu ta ofrece...

Hopi hende encanta cu e Digital Assistants na banco cu ta ofrece guia personal y asistencia cu no tin na cas

97
0
SHARE
- Advertisement -

ORANJESTAD (AAN): Pa yuda e cliente spaar tempo, Aruba Bank ta brinda su clientenan e facilidad di conduci transaccionan facil y lihe “Fast & Easy” na su areanan di Self-Service y Digital Lounges.

Pa esnan cu mester di guia y ayudo cu nan no tin na cas of pa haci uso di nos teminalnan di computer y printer, Aruba Bank su Digital Assistants ta cla pa duna e asistencia personalisa na sucursalnan na Camacuri, Hato y San Nicolas.

DIARIO a compronde cu e asina yama “Digital Assistant” ta cla pa sirbi tur esnan interesa pa habri nan cuenta online, “Download” Aruba Bank App, Haci transaccionnan online via Aruba Bank Online of App, Paga cuenta, Transferi placa pa otro cuenta of otro persona, Paga credit card, Aplica pa prestamo online, Haci cambio di informacion personal registra na banco, Cambio di PIN, Pidi carta di interes of pidi un overdraft, y hopi mas.

Tur e Digital Assistants por worde identifica pa nan polo-shirt color geel. Na un manera confidencial y priva lo yuda cada cliente existente of nobo haci su transaccion den e Digital Lounge, un area equipa cu computer y tablets, dedica na e servicio personalisa.

Aruba Bank ta invita tur esnan interesa pa inicia servicionan Fast & Easy Banking, via Aruba Bank Online y App, y ta desea ayudo personal, pa bishita un di e sucursalnan di su preferencia.

- Advertisement -

DUNA COMENTARIO

Please enter your comment!
Please enter your name here