Home Gobierno Hulanda a aproba placa pa yuda Polis y Guarda Nos Costa na...

Hulanda a aproba placa pa yuda Polis y Guarda Nos Costa na Aruba atende e fluho di stranhero for di Venezuela

699
0
SHARE
- Advertisement -

ORANJESTAD (AAN): Ministro Andin Bikker a indica cu dia 1 di November 2019, el a structura y pone Guarda Nos Costa bira un ‘Dienst’ riba su mes y awor tin su mesun presupuesto.

E siman aki Gobierno a haya un carta, cu ta indica cu Hulanda a duna OK pa yuda cu fondo substancial pa reforza fronteranan.  Na esaki, tanto Cuerpo Policial, Guarda Nos Costa, y diferente otro servicio ta bin na remarke pa ricibi e contribucion aki.

Guarda Nos Costa pues lo haya fondo pa amplia e Centro na Airport, pa hacie mas apto pa e situacion sin precedente cu Aruba ta atende, esta e fluho di hende for di Venezuela.

Pa Cuerpo Policial y tambe Guarda Nos Costa, cu e fondonan aki ta diferente material y equipo por wordo adkiri, incluyendo Software.

Gobierno ta hopi contento pa e cooperacion di Hulanda den e asunto aki, y cu ta di sumanan substancial cu porfin tin bista riba nan pa cuminza tuma diferente paso pa implementa e plannan aproba pa Conseho di Ministro y tambe Hulanda pa asina pronto pueblo por mira cambio substancial.

E fondonan aloca aki lo duna e isla mas espacio pa atende e situacion sin precedente di Venezuela, e.o. atende tur peticion pa asilo, atende esnan cu a yega como turista pero keda atras como ilegal, etc.

No obstante e capacidad limita di Cuerpo Policial, Guarda Nos Costa, Relaciones Exteriores y Departamento di DIMAS, toch nan a sa di atende e retonan di factornan exogeno debi na situacion social alarmante na pais bisiña.   Ministro Bikker ta hopi agradecido di su Departamentonan, como cu nan ta atende cabalmente como pais.

“Mi ta orguyoso di tur Diensten cu ta dunando aporte pa nos enfrenta e retonan aki,  Sigur ora cu mira con dia 3 di Juli 2019 a cambia e decision di admision, y a introduci un sistema di atende peticionnan pa asilo na forma completamente nobo basa riba e sistema Europeo, y via esey Aruba por atende e peticionnan di asilo mas eficiente,” Ministro Bikker a bisa.

Tambe el a ripara cu mas di 90% di e peticionnan ta djis pa alarga nan estadia na Aruba, pero no ta bin na remarca pa asilo, e ley di 3 di Juli 2019 a pone cu awor tin masha poco peticion pa asilo ta drentando, y esey ta debi na e ley cu a introduci.

 

- Advertisement -

DUNA COMENTARIO

Please enter your comment!
Please enter your name here