Home General Hulanda a caba di duna Curacao un prestamo di 30 miyon Florin

Hulanda a caba di duna Curacao un prestamo di 30 miyon Florin

222
0
SHARE
- Advertisement -

ORANJESTAD (AAN): Ministro Hulandes di Interior y Asuntonan di Reino, Raymond Knops, a bay di acuerdo pa duna un prestamo adicional di placa na Curacao, y esaki pa e suma di 30 miyon Florin Antiyano.

Ministro a nota esaki den e rapport di progreso di tercer cuartal di Acuerdo di Crecimento di Curacao, cu a ser manda pa Tweede Kamer riba Diaranzon.  Ta sali na cla awor cu di 12 di Juli 2019 caba Gobierno di Curacao y Hulanda a firma e Acuerdo di Crecimento.

E acuerdo ta encera algun medida cu por resulta den finanzas gubernamental mas saludable y sostenible, tambe un crecimento economico structuralmente ma shalto, un organizacion gubernamental mas efectivo y eficiente, y un mehoramento di termino largo pa e calidad di bida na Curacao.

Gobierno di Hulanda a stipula si un cantidad di condicion cu cual Curacao tin di cumpli cune pa asina cualifica pa e sosten Hulandes.  Den e prome periodo, Curacao mester a ehecuta un cantidad di medida directo for di e Acuerdo di Crecimento den e amienda di presupuesto 2019.  Tambe mester a haya sosten politico amplio den Parlamento Curasoleño pa ehecuta e acuerdo.

E comision di progreso a conclui cu Curacao a cumpli cu tur dos condicion.  “Basa riba esaki, mi a conclui cu e asistencia tecnico pa Curacao por sigui y cu e isla por haci uso di e prestamo adicional di 30 miyon,” segun Knops a bisa.

Ministro a subraya cu e peticion pa fia placa di Hulanda toch ta rekeri e aprobacion di costumber di CFT.  Ademas, un agenda strategico di inversion tin di wordo traha cu ta mustra cu e inversionnan planea ta cumpli cu e criteria di solvencia economico, den luz di e metanan di e Acuerdo di Crecimento.

E siguiente rapport di progreso  cu ta cubri e di cuatro caurtal di 2019, lo ta den luna di Maart.

 

- Advertisement -

DUNA COMENTARIO

Please enter your comment!
Please enter your name here