Home Gobierno Introduccion di ESTA lo por tuma lugar den un par di siman

Introduccion di ESTA lo por tuma lugar den un par di siman

821
0
SHARE
- Advertisement -

Minister Bikker:

ORANJESTAD (AAN): Minister Andin Bikker a indica cu e sistema Radex, fin di aña pasa a haya un upgrade. E tabata tin algun asunto cu mester a resolve pero esaki a keda cla.

Pa loke ta control na frontera, tambe ta bezig cu e sistema ESTA y ta wardando riba e maneho di admision pasobra ora cu Gabinete Wever-Croes a drenta gobierno, tabata tin un contract firma pa loke ta trata introduccion di ESTA. Pero e paso huridico no a wordo poni, a mandatario a señala.

Na December 2018, hunto cu Parlamento a cambia e LTU riba un base huridico y a traha un landsbesluit, un LBHam pa tambe por tin un base huridico adicional den e maneho di admision

Aworaki ta finalizando loke ta ‘legesbesluit’ pasobra sino tin un base huridico pa por cobra pa e ESTA, mescos cu na Merca ta paga aworaki $14, den e leynan di Aruba tambe tin cu pone un suma pa por bay over na e sistema aki, Bikker a remarca.

Den un par di siman ta espera cu finalmente por introduci ESTA cu lo contribui na e control na aeropuerto. Ademas di esey, a bisa, ta introduciendo ‘Advance Passenger Information System’ (APIS).

Esaki ta nifica cu prome cu un persona subi avion, asina cu e haci un reservacion via un sistema di booking, ya sa caba cu e persona ey ta biniendo Aruba y por haci un screening. Pa medio di e sistema aki por haya sa si e persona ta permiti pa drenta Aruba of no, e mandatario a splica.

Minister Bikker a laga sa cu e relacion cu e instancianan mericano ta basta bon.

Tin contacto constante cu e embahada di Merca na Corsow y cu Merca mes. Na inicio di April tin un bishita planea den cuadro di e bishita cu el a haci na September ultimo pa loke ta trata combatimento di criminalidad, prevencion ora di cruza frontera y tambe otro temanan manera e rijbewijs nobo cu ta introduciendo.

A wordo recomenda pa haci un ‘follow up’ y esey ta bay tuma lugar na inicio di April, Andin Bikker a duna di conoce.

- Advertisement -

DUNA COMENTARIO

Please enter your comment!
Please enter your name here