Home Policial Intruso a drenta anochi den cas na Washington net ora tabatin dos...

Intruso a drenta anochi den cas na Washington net ora tabatin dos mucha so eyden

923
0
SHARE
- Advertisement -

ORANJESTAD (AAN): Tabata Diaranson anochi banda di 7:45 pm, cu unidad di Polis di Noord a wordo manda pa un Botanica cu ta bende lotto na Washington, como cu tin un situacion sospechoso eynan.

Algun Polis cu tabata pa casualidad den e area, a bay di biaha na e lugar pa check kico ta pasando.

Ora cu a yega, a bin haya sa cu dos mucha muher a yega eynan tur spanta, pa bisa cu un homber desconoci a drenta na cas y a horta mercancia di eyden.

Nan a mustra Polis cua ta e cas, y e agentenan mesora a core bay wak na e Apartamento cu tin tras di e cas.  A haci un investigacion, pero a topa cu ningun hende.

Nan a papia bek cu e mucha muher di inicial L., kende a bisa cu ora e tabata na e cas, el a bay un rato den baño.  El a lubida di lock e porta di e Apartamento, y su prima tabata den un otro camber.

Ora cu el a sali di baño y bin topa cu un homber eyden ta cobando den su tas preto, y el a mira tambe cu e homber tin su cartera blanco den man.  E mucha muher a dal un grito, y a core bay na su prima.  Aki ta unda cu e homber a core sali di cas.

E mucha muher a gara su prima, core sali di eyden y e ora si a lock e porta, y a cuminza core bay na e oficina di Lotto cu tin otro banda di cas, pa asina bati alarma y yama Polis.

E mucha muher tabata hopi spanta, pero toch el a logra di duna bon descripcion di e intruso.  El a bisa cu e homber tabatin un petchi preto, un T-shirt cora, y un jeans preto, y tambe un rugtas preto cu e tabatin riba e T-shirt.  E persona tin un estatura di como 1.70 meter y ta delega.

El a bisa cu den su cartera blanco cu colornan preto y roos, e tabatin como 2,05 Florin, su Zorgpas di AZV, su carchi di Bowling, y algun carchi mas.  E no tabata sigur si acaso e persona  abay cu su Samsung J color roos tambe.

Finalmente famia di e mucha muhernan a yega e cas pa braza nan yiunan.  Polis a cuminza core rond den e bario pa check si por haya e homber sospechoso, pero no a haya nada.  A pone Slachtofferhulp na altura tambe pa atende cu e famia.

Polis ta bay sigui awor cu e investigacion.

 

- Advertisement -

DUNA COMENTARIO

Please enter your comment!
Please enter your name here