Home General Kizas ta bay pone mas borchi pa adverti publico pa no molestia...

Kizas ta bay pone mas borchi pa adverti publico pa no molestia Tortuganan na beach of den lama

386
0
SHARE
- Advertisement -

ORANJESTAD (AAN): Hopi ciudadano awendia ta mirando con algun persona cu ta bay goza di un dia na Beach y Lama, ta haci cosnan cu no ta aceptable riba e isla.

Hende cu ta abusa di bestia, ta gara Tortuga y haci cosnan cu ta spanta esnan cu ta bringa pa proteccion di animalnan.

Curtis Fraser di InfrAruba ta splica cu e tema di abuso di bestia y especial turtuga tin atencion di InfrAruba.

Nan tambe a nota esaki riba Social Media, y ta trahando riba dje.  Si acaso abo a mira algo di abuso di animal banda di beach, un suplica ta bay pa bo ‘tag’ InfrAruba riba e publicacion tambe, pa asina nan por wordo informa mas rapido di e situacion.

Unavez cu esey socede, e proceso di un keho oficial ta cuminza.  Ya caba tin algun borchi di advertencia poni riba beach, y si toch e tipo di abusonan aki sigui, lo por bay analiza pa mira cu kizas no tin suficiente borchi, of posiblemente e borchinan no ta suficientemente grandi pa asina tur hende ta adverti di e situacion.

InfrAruba a nota tambe cu tin algun borchi di advertencia poni cu no ta informa publico ta ki sorto di ley nan lo por ta violando.

Na opinion di Fraser, e borchi tey pa evita cu hende ta comete acto, y pa e sa di antemano kico e consecuencia ta si e haci esey toch.  Unavez cu cuminza cu un proceso oficial, por analiza e ley tambe.  Si acaso e ley no ta duna pa hende stop cu e comportacion, e ora nan sa cu mester bin cambio, pues e ora por papia y reuni riba dje pa check si mester bin cu cambio, y asina frena e tipo di actitud aki.

Pero e Tortuganan cu ta yega Baby Beach ta loke cu nan ta wordo saca for di awa.  Aki bo ta molestia e habitat di e Tortuganan.

Hasta si acaso e Tortuganan ey no ta cay riba e lista di proteccion, lo bay check ki ley si tin pa asina avisa publico cu no por mishi cu nan.

InfrAruba ta disponible pa haya keho di sea pueblo mes, of kizas hasta Fundacion cu ta proteha Tortuga.  E ora nan lo sigui traha riba e proceso pa investiga.  InfrAruba ta ricibi tur sorto di keho, y nan ta desea pa pueblo sigui haci esey tambe, pa asina por introduci cambio pa un mihor futuro.

 

- Advertisement -

DUNA COMENTARIO

Please enter your comment!
Please enter your name here