Home Policial KPA kier recorda esnan cu ta bay carnaval pa no bay tras...

KPA kier recorda esnan cu ta bay carnaval pa no bay tras di stuur bao di influencia

838
0
SHARE
- Advertisement -

Vocero di Polis:

ORANJESTAD (AAN):  Tin tres parada grandi mas pa loke ta e final di Carnaval 66. Diahuebs tin e parada di luz na San Nicolas y diasabra y diadomingo e paradanan mas grandi.

Vocero di Cuerpo di Polis, Liliana Rasmijn a duna di conoce cu nan ta cla y loke nan kier keda recorda tur esnan cu ta participa den carnaval cu e controlnan tey, prome, durante y despues di e paradanan.

Por ehempel, despues di Jouvert Morning, tabata tin 25 detencion di personanan manehando auto bao di influencia.

Pesey semper KPA ta keda bisa y ripiti cu nan no ta prohibi pa un hende bebe pero mo mag di core auto bao di influencia. Percura pa tin un hende of Amigo DiDi of bay den grupo den caso cu kier bebe.

Polis no ta stroba un hende, Rasmijn a splica, pero mester ta conciente pa na final di dia no trece e mal noticia di un accidente fuerte of di personanan cu ta perde nan bida despues di un parada unda tur hende ta den alegria y despues pa bin cu un noticia tristo, a indica.

E tarea di Polis ta pa preveni y pesey un biaha mas kier recorda esnan cu ta bay carnaval pa no bay tras di stuur bao di influencia.

 

- Advertisement -

DUNA COMENTARIO

Please enter your comment!
Please enter your name here