Home General Mama di mucha naturaliza y reconoci door di tata arubiano no ta...

Mama di mucha naturaliza y reconoci door di tata arubiano no ta bin na remarca pa  permiso di ‘bijzondere band Aruba’

1902
0
SHARE
- Advertisement -

Splicacion di DIMAS di e proceso tocante caso

ORANJESTAD (AAN):  Diahuebs mainta a sali riba medionan di comunicacion un noticia caminda un hende muhe tabata duna su punto di bista di situacion cu a confronta cune na departamento di DIMAS.

DIMAS a comparti detaye di esaki caminda e ta informa cu un persona cu tin mas di 3 estadia legal por aplica pa su casa manera ‘gezinshereninging’ na principio e ta un permiso cu no tin e posibilidad pa traha.

Si en caso cu e persona cu ta bou di e firma di su casa kier subi riba mercado laboral e mester pasa un toetsing di mercado laboral caminda e persona local tin preferencia y pa cual cupo di trabou e kier ocupa.

Sinembargo den e toetsing pa e ‘cupo di trabou’ nan ta check prome si tin local disponibel, e local ta esun cu ta haya e cupo aki y pa e motibo aki ta duna negativo an e caso di e persona cu kier bay riba mercado laboral.

Tin caos caminda por check otro opcion legal pero lo mester pasa un screening na DPL prome. Den caso manera ta esun cu a sali ta bisa cu cada persona ta atendi na bureau mes y a atende cu e persona diferente biaha.

Sinembargo nan kier informa mirando cu a pidi pa e mucha firma pa su mama, e ta bisa cu e mucha en berdad ta reconoci pa un tata Arubiano y tin paspoort Hulandes, pa motibo di esaki e mama ta desea un permiso di ‘bijzondere band Aruba’.

Den e caso aki e persona no ta bin riba aanmerking pasobra e mucha no ta naci na Aruba pero den exterior. E ta un persona cu a keda reconoci na grandi y a haya e naturalisacion pa su tata despues.

Pa e motibo aki e mama no ta cay bao remarke pa un permiso manera e ta pidi. E otro ta cu e persona ta casa cu otro pareha cu ta riba permiso y nacionalidad di exterior tambe cu actual tin 8 permiso, dus e persona tampoco no por firma pa motibo cu no tin firma liber of passport hulandes.

E persona ta cay bou di ‘nieuw gezinsvorming’. E persona mester si ta desea por traha na DPL pa asina cu ta e caminda corecto pa haya e labor positivo buscando un dunado di trabou y cu ta cay bou permiso di trabou.

Departamento di DIMAS a duna opcion na hende pa yuda e persona. Nan a tuma e document y a duna e informacion di tur posibilidad cu e persona por tin pero ‘nunca a keda sin duna contesta riba peticion,

Nan a splica e detaye di ora cu un mucha no ta wordo reconoci y no ta un mucha naci na Aruba. Nan ta bisa cu a contesta y haci tur locual nan por a haci pa e persona cana su caminda pero huridicamente locual e persona ta desea no por.

Pa persona por traha y obtene e permiso cu e kier e mester sigui e caminda di Departamento di Labor pa haci esaki, pasobra no por uza e mucha su passport Hulandes pa haci esaki. Ora cu e persona cana e caminda di DPL y e peticion sali positivo e por sigui traha.

DIMAS ta bisa cu nan ta haci nan esfuerso pa sigui informa manera nan a haci. E persona tin e derecho di sigui busca y wak ki posibilidad e ta haya pero sinembargo ta locual ley ta bisa y e persona no ta keda aanmerking pa esey ‘nos ta purba yuda tur hende’ pero den caso aki e mucha no por firma pa su mama.

Departamento ta bisa cu nan a duna e contesta necesario na persona y cu nan sistema huridico ta duna e persona derecho pa apelacion. El a haci uso di esaki, den apelacion ta revela e caso, e prome decision di ley y su maneho, por manda pa LAR pa e ta den proceso, esey por tuma tempo pero tin su alcance y otro posibilidad huridico.

Pa hues si no tin contesta, ta pa gobierno tuma decision pa caso ey. Di parti di DIMAS a duna e informacion di trayecto pa por aplica. Esun actual cu e ta pidi p’e no ta den remarke conforma e ley di Aruba.

Tambe e informacion cu e persona a duna ta bisa cu mester indica na Guarda nos costa. E ta bisa cu pa esaki sosode mester a wake cu e ta trahando sin tin e permiso di traha, dus pa mesun motibo mester meldplicht cu mester cumpli. Ta keda na persona pa haci su proceso na e permiso di trabou.

- Advertisement -

DUNA COMENTARIO

Please enter your comment!
Please enter your name here