Home Gobierno Ministro ta haya cu mihor a yama e Rapport BO Aruba como...

Ministro ta haya cu mihor a yama e Rapport BO Aruba como “Rapport NAN Aruba” refiriendo na loke AVP a haci cu e isla

119
0
SHARE
- Advertisement -

ORANJESTAD (AAN): Diahuebs mainta tabatin reunion den Parlamento pa discuti e espantoso rapport di Contraloria General, cu a mustra e realidad di loke a pasa den gobernacion di AVP for di aña 2010 te cu 2016, unda a traha riba 241 proyecto, y e costo di esaki a yega na 1.6 biyon Florin.  Y esey ta placa cu Aruba no tin, pero awor tin di paga un suma astronomico pa futuro 2 decada aki.

Contraloria General di Aruba a emiti e “Rapport BO Aruba” cu a haci un investigacion riba e forma cu den e seis añanan ey a crea 241 proyecto sin cu nan tin cobertura, cu riesgo negativo, y sin cu a check e consecuencianan financiero pa Aruba.

E consecuencianan ta severo.  Pero segun Ministro actual di Finanzas, mr. Xiomara Maduro, cu e Gobierno nobo aki a cuminza traha mesora ora nan a sinta pa asina analiza e situacion, y bay man na obra pa fix e asunto.

Aruba tin cu drecha su situacion pa e isla mes, no pa Reino Hulandes!  Ni pa cara di ningun hende, como cu mester di credibilidad financiero.  Ora cu AVP a cuminza haci debe comosifuera no tin mañan, e ta debilita e isla financieramente cu e agencianan internacional di rating.

Segun Ministro, el a dura un tiki pa por a stabiliza e situacion di e isla, y Gobierno awor a logra un tiki, y ta un esfuerzo di henter e gabinete y parlamento.

Aunke Gobierno y Parlamento cambia, e debe no ta desaparece y e tey pa tur hende page.  E debe tambe tin gasto cune, pasobra tin algo cu yama “gasto di interest”, y e aña cu aña cu a caba di pasa, Aruba a haye ta paga e suma di 230 miyon Florin na gasto di interest.  Esey ta mas hopi cu Ministerio di Husticia tin poni riba presupuesto.

Esey ta dunabo un bista di e gastonan di Aruba!

A scucha Arends bisa den prensa cu Gobierno ta bay riba belasting so kier mas, y a hisa su gastonan mas.  Claro, si bo gastonan di interest ta subi, bo tin di paga toch.  Si bo PPP ta bira 20 miyon mas caro cu 2019, tin di saca e placa algun caminda.  E di dos gasto mas grandi ta gasto di personal.

Aki tambe a mustra un grafico unda Aruba a keda bao di e plafond cu a wordo poni pa Hulana.  Ey tambe linea di tendencia di overtime cu ta pusha e gasto di overtime.

Pero kico bo kier pa nos bay haci?  Nos ta atende cu esaki na forma serio, pero ta parce cu nan kier dunabo un lista di e hendenan cu nan kier pa Gobierno manda cas.  Esey ta e next step di Arends??  Lista di hende cu e kier manda cas?

Nos mestre ta serio ora di atende e cos aki.  Gobierno ta atende na forma serio.

Loke a haci tambe ta crea esapcio pa inverti den hende.  Bo ta mira cu e proyecto di BO Bario a hinca den infrastructura pero a lubida riba hende.  Gobierno su prioridad ta e hende.  Tur cos tin di haci den balanza pasobra e hende mester keda central.

Ministro mr. Maduro a mustra cu e rapport di Contraloria General yama “Rapport BO Aruba” lo mester a haya un mihor titulo.

“E rapport aki di BO Aruba, e nomber aki no tabata bon.  E nomber aki mester tabata “NAN Aruba”, Ministro a indica.

El a bisa esey, pasobra den su concepto, “Nan Aruba” di AVP tabata consisti di yena hendenan cu treat, gaña bo wowo cu tur cos, bo tabatin Ministro Presidente ta cana y braza tur caminda, sin cu hende tabata sa kico nan ta haci na e pais aki.

Pesey conseho di pueblo aki ta, pa percura pa nunca mas e Partido AVP ey drenta den gobernacion di pais bek.

Nunca mas situacionnan asina manera di 2010 pa 2016 mester ripiti su mes na Aruba.  Reglanan di destaho a wordo cambia ya caba, y asina crea oportunidad pa bay den destaho den forma electronico pa facilita e proceso.

A bin cu reglanan nobo y asina flexibiliza pa por crea e transparencia necesario cu tin mester.  Asina mas hende por participa ora cu tin destaho publico na Aruba.

- Advertisement -

DUNA COMENTARIO

Please enter your comment!
Please enter your name here