Home General No por usa Barbecue grill di carbon riba ruta di Carnaval di...

No por usa Barbecue grill di carbon riba ruta di Carnaval di San Nicolas ni Playa

380
0
SHARE
— Sushedad laga atras den Caya Captain Rodger.
- Advertisement -

ORANJESTAD (AAN): Tuma bon nota di esaki!  Awor no ta permiti pa usa Barbecue grill di carbon riba e ruta di parada di Carnaval, ni na San Nicolas y ni na Playa.

Esey ta loke Robby Rosel, kende ta vocero di Bureau City Inspector a trece dilanti na DIARIO.

El a splica cu no ta permiti pa usa grill riba e ruta di carnaval cu ta tereno publico.

Mirando cu kizas tin hende cu ta pensa di uza grill riba e ruta di Carnaval e fin di siman aki, City Inspector kier a pone na nan conocemento cu no ta permiti esaki pa motibo cu e carbon ta daña medio ambiente, y esaki por laga sushi atras di carbon (‘charcoal’).

Si acaso bo kier usa un Barbecue grill durante di e parada, por fabor usa un Barbecue grill di gas!  Esey si por.  Pero uno di carbon (‘charcoal’) ta prohibi.

Den nomber di City Inspector y DIP, nan ta spera di haya cooperacion di Carnavalistanan. Y por ultimo nos kier a bolbe recorda cada uno cu a haya un kavel of cu ta ariba e ruta di carnaval pa porfabor no uza palet corda semper cu nos mester mantene nos carnaval bunita.  Tampoco no ta permiti pa corta mata ni usa carton riba ruta.

Aki por mira sushedad cu a ser laga atras den Caya Captain Rodger (Grensweg) na San Nicolas.

 

- Advertisement -

DUNA COMENTARIO

Please enter your comment!
Please enter your name here