Home Economia Oficina di Estadistica mester di encuestadornan durante Censo 2020

Oficina di Estadistica mester di encuestadornan durante Censo 2020

211
0
SHARE
- Advertisement -

ORANJESTAD (AAN):  Manera ta conoci caba Oficina Central di Estadistica (CBS) ta organiza un Conteo general di Poblacion y Vivienda, mihor conoci como Censo. Censo 2020 lo tuma lugar di 1 pa 10 di October 2020.

E Censo di Persona y Vivienda ta un conteo general di tur esnan cu ta biba na Aruba. E proposito di Censo ta pa haya un bista completo di e manera di biba y e caracteristicanan di e poblacion di Aruba. Censo ta e fuente di informacion mas importante riba e cantidad, structura y caracteristicanan di e poblacion cu ta biba den un pais.

Pa e Censo2020, CBS ta buscando personanan cu kier fungi como encuestador. Un encuestador tin e tarea pa haci entrevista na 40 pa 60 punto di adres durante e periodo menciona.

Rekisitonan pa bira un encuestador:

– Yena e formulario di inscripcion online via nan website www.cbs.aw

– Mester por traha cu un Tablet

– Mester por lesa, skirbi y papia Papiamento, Ingles, Hulandes y Spaño

– Mester tin por lo menos 18 aña di edad

– Mester tin por lo menos un diploma di MAVO

– Ta un residente di Aruba

– Tin un rijbewijs valido y un medio di transporte propio

– Ta compromete su mes pa asisti na 3 training obligatorio

– Ta disponibel durante henter e Censo (1-10 di October 2020)

– Ta disponibel pa traha den siman y den weekend y durante oranan di dia, atardi y anochi.

–  Tur persona cu ta cumpli cu e rekesitonan ya menciona por solicita pa ta un encuestador, tambe pensionadonan, esnan sin trabao y esnan trahando den sector priva, tanten cu nan ta disponibel full time durante e siman di Censo.

Oficina Central di Estadistica (CBS) ta haci un apelacion fuerte na un y tur pa yuda den e trabao noble di traha como encuestador di Censo door di yena e formulario di inscripcion via nan website www.cbs.aw

 

- Advertisement -

DUNA COMENTARIO

Please enter your comment!
Please enter your name here