Oro Venezolano: La Patilla a dicidi na kita e noticia fake for di nan website

    265
    0
    SHARE
    - Advertisement -

    ORANJESTAD (AAN): Awor cu a sali na cla cu e noticia encuanto oro na Aruba, y cu prensa Venezolano a haci viral den fin di siman, ta completamente ficticio, por a nota cu e medio cu a trece esaki prome, a dicidi na kita e informe completamente for di nan website.

    E noticia cu e portal La Patilla a pone Diadomingo 16 di Februari 2020 den oranan di merdia, a mustra un informe di e periodista Venezolano, Castro Ocando, cu un avioneta a wordo confisca na Aruba, ora cu el a yega cu abordo casi 1.000 kilo di Oro Venezolano di pureza halto.

    Pero na Aruba, mesora fuentenan a indica na DIARIO cu nada di esey a socede, ningun avioneta cu e matricula ey a ateriza riba e isla, y cu ta un fake news.

    Mientras tanto, e noticia falso di La Patilla a wordo tuma over, y pasa pa varios medio mas na Venezuela, como tambe Argentina, Peru, Nicaragua, Spaña, y hasta Italia.

    Ta parce awor cu La Patilla mes a realiza cu loke nan a pone no ta cuadra cu realidad, y awor por mira cu nan a djis kita e noticia pa e no keda mas riba internet.  Si bo bay busca e noticia, awor ta e mensahe aki di “Uups!  Esta página no existe” ta aparece.

    - Advertisement -

    DUNA COMENTARIO

    Please enter your comment!
    Please enter your name here