Home General Pa un persona bin na remarca pa bijstand e mester aplica pa...

Pa un persona bin na remarca pa bijstand e mester aplica pa trabao prome na DPL

356
0
SHARE
- Advertisement -

Menasanan a cay di clientenan cu no kier sigui proceso di rehabilitacion

ORANJESTAD (AAN):  Jessica Pieterz – Arends, Hefe di e Departamento di Bijstand a trece dilanti algun punto importante pa comunidad haya sa. El a remarca cu bijstand ta algo temporal.

Pa bin na remarca pa haya bijstand tin diferente procedura y un di nan ta cu e persona mester bay DPL pa busca trabao. Si en caso cu e persona no por traha na e momento ey, e mester bay Medwork.

Segun Pieterz – Arends for di aña pasa nan ta bezig hunto cu otro instancianan, entre nan Departamento di Salud (DVG) pa clientenan cu tin problema cu adicion. A ripara cu e clientenan cu ta den mundo di adiccion, cu “nan ta hibando awa lama”.

A bisa cu e personanan aki no kier sigui e procedura of e programa di rehabilitacion. Nan ta bay djis pa haya un firma pa e ora Bijstand wak cu nan ta bezig.

Pesey e aña aki a dicidi cu ta bay papia cu e cliente. Cu nan no ta bay busca e firma mas. Nan ta bay Bijstand pa haya un carta y ta bay Consultorio pa Asuntonan di Adiccion (CAA). Si nan ta sigui e programa, CAA ta manda nan un carta mustrando cu e persona ta bezig pa purba di drenta un centro di rehabilitacion.

E problema ta cu hopi di e personanan aki no kier sigui e programa. Den caso cu e persona no sigui cu e programa e ora nan bijstand ta wordo suspendi. Esey a trece cune cu e clientenan a cuminsa menaza e trahadornan locual ta inaceptabel, Jessica Pieterz – Arends a remarca.

El a sigui bisa cu desde e aña aki, tin mas o menos un luna ta haciendo esey. Akinan ta papiando di personanan cu tin adiccion di droga. No tur adicto ambulante ta nan cliente. Nan ta enfoca riba esnan cu ta cliente. Por ta esun cu ta na cas y e por ta esun riba caya, cu ta hayando bijstand.

Aworaki ta haciendo un sondeo interno pa sa e cantidad di hende. Pa loke ta trata esnan cu no kier drenta den proceso di rehabilitacion, akinan por papia di 6 hende.

Ora cu e menasanan a cuminsa drenta, a yama Polis y e agente cu a atende e caso a keda di geef door e caso pa duna un seguimento tur luna y dianan di pago cu nan lo haci mas ronde.

E intencion ta pa esnan cu ta den adiccion, sigui un programa di rehabilitacion pa asina nan por drenta den mercado laboral, Pieterz – Arends a subraya.

 

- Advertisement -

DUNA COMENTARIO

Please enter your comment!
Please enter your name here