Home Bites Parehanan a renoba nan matrimonio na Riu Palace Antillas

Parehanan a renoba nan matrimonio na Riu Palace Antillas

120
0
SHARE
- Advertisement -

ORANJESTAD (AAN): Riba dia Valentine’s Day, un grupo di huesped di Riu Palace Antillas a renoba nan matrimonio dilanti un bunita bahada di solo cu Aruba ta ofrece.

Cada pareha a ricibi un flor y un glas di champagne color cora pa brinda pa nan matrimonio y compromiso.

Un pastor a guia e ceremonia y cada pareha a ripiti nan promesa haci dia nan a casa. Despues di e ceremonia Riu Palace Antillas a invita e parehanan pa un buffet special den e restaurant Atlantis.

E staff a decora e restaurant haciendo uzo di colornan cora di e tema Valentine’s Day creando un ambiente di amor. Tur huesped a disfruta di e anochi y tabata contento di por a recorda pakico nan a uni na un luga hopi bunita.

Renoba voto matrimonial cu Riu Palace Antillas a bira un tradicion. Pa participa na e evento di renoba voto matrimonial, parehanan casa a haci esaki gratuitamente. P’e personal di Riu Palace Antillas tabata un placer di tin e grupo aki den cas y ta spera cu e tradicion aki sigui crece tur aña.

E pastor a laga un mensahe p’e parehanan, unda a corda nan cu e dia di amor ta pa celebra amor y pakico nan a uni. Tur pareha tabata feliz di renoba nan matrimonio y a gradici Riu Palace Antillas p’e oportunidad maraviyoso aki.

 

- Advertisement -

DUNA COMENTARIO

Please enter your comment!
Please enter your name here