Home General Pashentnan di riba 80 aña di edad tin 15% chens di muri...

Pashentnan di riba 80 aña di edad tin 15% chens di muri di Coronavirus

371
0
SHARE
- Advertisement -

ORANJESTAD (AAN): Un estudio relampago a wordo haci cu informacion di 44.000 pashent di Coronavirus (Covid-19), y aki a check nan edad, y si acaso nan a muri of no di dje.

Danki na esaki, a bin ripara cu pacientnan cu tin riba 80 aña di edad, tin 15% chens di muri.

Pacientnan cu tin 50 pico aña di edad, tin como 3x mas chens di muri, compara cu esnan cu tin 40 pico aña di edad.

Pa Diabierna anochi, Covid-19 a yega tur continente excepto Antartica, pero e no ta infecta tur pacient igualmente.

Un recien estudio di Centro Chines pa Control di Malesa, a mustra cu e virus aki ta dal esnan di edad halto mucho mas pisa, principalmente esnan cu ya caba tin malesa cronico.  Como 80% di e casonan di Coronavirus ta mediano, segun e investigacion.

E estudio a ser haci via mas di 44.000 pashent confirma na China prome cu 11 di Februari.  E ta ofrece un di e bista mas amplio di con Covid-19 ta afecta sernan humano.

E data cu a ser obteni, ta sugeri cu e victima su chens di muri di e malesa, ta aumenta cu edad.  Nan a pone tur e data den un grafico, y esey a produci e bista mas amplio.

Pacientnan di edad di 10 te cu 19 aña, tin mesun chens di muri cu pacientnan cu tin 30 pico aña di edad.  E riesgo di muri ta dramaticamente mas halto entre e pacientnan den nan 70 y 80 aña di edad, y esey ta bin probablemente debi cu hopi anciano ya tin otro problema di salud.

Pashentnan diagnostica cu Covid-19 y cu tin malesa di curazon, por ehemplo, tin 10% di chens di muri, segun e estudio, mientras esnan cu diabetes tin como 7% chens di muri.

Como 3/4 di e pacientnan na China no tabatin otro problema di salud.  E riesgo di muri pa e grupo ey tabata djis bao di 1%.

Mientras cu e virus ta plamando rond mundo, e cifranan aki por cambia tambe.

 

- Advertisement -

DUNA COMENTARIO

Please enter your comment!
Please enter your name here