Periodo di observacion a pasa pa famia Chines den cuarentena

    304
    0
    SHARE
    - Advertisement -

    ORANJESTAD (AAN): Manera ta corda, tabata dos siman pasa un grupo di Chines (cu paspoort Hulandes) a regresa Aruba for di China, pasando via Schiphol (Amsterdam) y yegando aki abordo di KLM.

    E residentenan aki no a hospeda na ningun region afecta pa Corona Virus COVID-19 na China tampoco a mantene contacto cu ningun hende malo, cu ta e criteria defini pa considera un persona sospechoso.

    Pa ta sigur cu e famia aki no tin e virus y ta encontra nan mes den periodo di incubacion unda sintomanan lo aparece despues, seccion di malesa infeccioso a pidi colaboracion di e famia pa keda den cuarentena pa 14 dia.

    E famia a compronde esaki y a colabora cu e proceso. Durante e 14 dianan cu a pasa e seccion responsabel a controla e famia tur dia riba sintomanan di griep relaciona cu corona virus COVID-19.

    Riba Diadomingo merdia, Departamento di Salud Publico a emiti un boletin pa informa cu e famia encuestion ningun dia a presenta ningun sintoma sospechoso y desde Diasabra 15 di februari ta liber di cuarentena.

     

    - Advertisement -

    DUNA COMENTARIO

    Please enter your comment!
    Please enter your name here