Home Suceso Polis no ta descarta crimen den caso di Venezolano desapareci na Corsow

Polis no ta descarta crimen den caso di Venezolano desapareci na Corsow

586
0
SHARE
- Advertisement -

WILLEMSTAD – Cuerpo Policial di Corsow a sigui investiga desaparicion di e comerciante Venezolano, Angel Alexander Barrios, kende a desaparece desde 7 di Februari pasa.

Segun informacionnan, autoridadnan no ta descarta cu e hecho por trata di un crimen. Polis no a revela detayenan relaciona cu e investigacion, pero tin indicacion cu e auto kima di Barrios a wordo localiza, pero ainda polis no a confirma si esaki ta e caso.

Polis a pidi pa cualkier persona cu tin informacion relevante, por comunica cu polis 917 of linea anonimo 108.

Casa di Alexander Barrios, Ingrid Vivas a tene un conferencia di prensa, despues cu e no a tende nada mas di su casa. El a pidi poblacion pa yuda pa e por haya informacion di paradero di su casa. Vivas a bisa cu su casa tin permiso, y el a sali for di Venezuela cu e intencion di habri un restaurant na Boca Beach.

Vivas a bisa cu su ultimo contacto cu su casa tabata riba diasabra pa 11:19 am. Diadomingo el a yam’e y no a haya ningun contesta. El a yama algun amigo pa check paradero di Barrios, pero ningun por a localiza su casa.

Vivas a agrega cu el a bay polis, pero pa motibo di e investigacion nan no por a dun’e mas informacion.

Prensa na Corsow a indica cu e Venezolano tabata yuda dos periodista Frances cu un reportahe relaciona cu Venezolanonan ilegal na Corsow.

- Advertisement -

DUNA COMENTARIO

Please enter your comment!
Please enter your name here