Home Policial Polis ta haya luz berde pa rista tur hende durante Carnaval

Polis ta haya luz berde pa rista tur hende durante Carnaval

343
0
SHARE
- Advertisement -

ORANJESTAD (AAN): Ministerio Publico y Cuerpo Policial di Aruba ta informa cu Polis lo rista preventivamente riba posesion di droga durante e actividadnan grandi di Carnaval na Oranjestad.

E ordo di Fiscal na Polisnan, ta cubri e siguiente actividadnan.

Parada di Luz riba Diasabra 15 Februari di 6:00 pm te cu Diadomingo 16 Februari pa 6:00 am.

Parada di Mucha na Playa di Diadomingo 16 Februari pa 10:00 am te cu 10:00 pm.

Parada Grandi di Carnaval lo ta Diadomingo 23 Februari for di 6:00 am te cu 11:59 pm.

Den cuadro di ristamento preventivo pa droga, aki Polis ta haya e autorizacion pa para un persona y rista su paña, hasta si acaso no tin ningun tipo di sospecho cu a comete un acto castigable.

E zona unda lo tin e ristamento preventivo aki ta for di Rotonde di WVB y Avenida Nel Oduber na haltura di Guardian Group direccion casnan di pueblo na Bushiri pa Madiki Kavel te Cuquisastraat, straight pa Caya Ernesto Petronia, man drechi rotonde di Ponton, man robez pa cruzada di Kamerlingh Onnestraat te rotonde di Seroe Blanco y rotonde di ex-edificio di MIO, man robez pa rotonde di Tarabana, man drechi pa FCCA y rumbo di airport y Las Americas, man robez te Guardian Group.

 

- Advertisement -

DUNA COMENTARIO

Please enter your comment!
Please enter your name here