Home General Proyecto di Renobacion di Old Barbershop ta bay inicia

Proyecto di Renobacion di Old Barbershop ta bay inicia

257
0
SHARE
- Advertisement -

ORANJESTAD (AAN): Diahuebs atardi na Old Barbershop San Nicolas a tuma lugar un rueda di prensa organiza door di Gianni’s Group pa asina haci un anuncio importante.

Representantenan di famia Ferrara-Moore a indica cu kier cumpli cu e compromiso di locual a wordo priminti, un cinco luna pasa durante e prome San Nicolas Business Association Summit.

Eynan, a bisa, su persona hunto cu Gianni’s Group a compromete pa cuminsa cu e proceso di renobacion di Old Barbershop na San Nicolas, na cuminsamento di Caya Grandi.

E renobacion ta calcula pa dura 6 luna, e prome fase. Tin den mente pa mantene e vision di San Nicolas pa locual ta encera e parti di arte y cultura. Cu esaki ta mantene e historia di e Old Barbershop, no solamente e nomber pero e concepto di un cafe-restaurant.

E barbershop aki tabata di nan wela, Cristina Moore, cu a cumpre den añanan 50-60. Nan a hereda e barbershop aki y Gianni’s Group a haya e chens pa cumpre 5 pa 6 aña pasa.

Ta kere cu esaki ta e momento ideal pa cuminsa e proyecto aki y pa trece algo di calidad halto pa e pueblo di San Nicolas. E concepto lo ta algo tradicional y ta espera di habri na final di 2020 of por ta na inicio di 2021.

- Advertisement -

DUNA COMENTARIO

Please enter your comment!
Please enter your name here