Home General RADEX BCMS lo ta exponiendo na ICAO Trip2020 na Montréal

RADEX BCMS lo ta exponiendo na ICAO Trip2020 na Montréal

99
0
SHARE
- Advertisement -

ORANJESTAD (AAN): RADEX BCMS ta e programa di maneho di e control di frontera cu a worde desaroya door di e compania local Gamma IT Solutions, e compania di desaroyo di software mas grandi den Caribe.

RADEX BCMS ta ekipa cu hardware y software ultra moderno y ta conta cu factornan cu ta garantisa e siguridad di e frontera na e pais.

E aña aki, e team tras di RADEX BCMS, e programa di maneho di frontera di Aruba, lo ta un exponente na e Traveler Identification Programme Symposium (Trip2020) di e International Civil Aviation Organization (ICAO). E evento aki lo tuma lugar di 31 maart pa 1 april 2020 na Montréal, Canada.

E symposium ta un forum pa intercambia informacion riba diferente aspecto di e maneho di identificacion di biaheronan y pa trata e strategia di e Traveler Identification Program di ICAO.

E symposium di e aña aki lo focus riba e necesidad di tecnologianan innovativo pa maneha e retonan cu por tin den e control di frontera, esaki lo ta un di e puntonan clave di e ICAO TRIP2020.

E tema e aña aki lo ta: “Game-changing Technologies Driving Seamless Border Management”.

E evento aki ta worde bishita anualmente door di ministernan di relacionan interior y exterior, departamentonan di immigracion y douane, embahadanan y personal consular, departamentonan encarga cu e control di frontera, aerolineanan, autoridadnan di airports y personal di seguridad di aviacion, organizacionan internacional y companianan di tecnologia den e area di identificacion di biahero y control di frontera.

E evento aki ta un oportunidad tremendo pa por introduci RADEX BCMS na e companianan di mas grandi den e industria y na e organizacionan cu mundialmente ta encarga cu control di frontera na diferente pais.

Desmond Nicholson, Project Manager di RADEX BCMS, ta comenta “RADEX BCMS ta un proyecto hopi grandi di Gamma IT Solutions.

Nos ta sumamente orguyoso di e producto cu nos a crea y nos ta hopi contento di por presenta RADEX BCMS na un cantidad grandi di compania y organizacionan durante e ICAO TRIP2020.

E ta hopi great cu nos por trece dilanti e sistema di control di frontera cu ta worde usa na Aruba y mustra con esaki ta cumpli cu tur e rekisitonan pa tin un frontera sigur na nos pais.”

- Advertisement -

DUNA COMENTARIO

Please enter your comment!
Please enter your name here