Home General Reino Hulandes lo inverti 20 miyon euro den islanan BES

Reino Hulandes lo inverti 20 miyon euro den islanan BES

45
0
SHARE
- Advertisement -

ORANJESTAD (AAN): Un boletin emiti Diabierna door di Reino Hulandes, ta mustra cu nan lo inverti 20 miyon Euro den Saba, St. Eustatius, y Bonaire.

Di e forma aki ta haci un contribucion pa e fortalecimento desea di e sociedad y e prosperidad amplio di e islanan ey, conoci como BES Eilanden.

E inversion ta bin riba di e 30 miyon Euro cu ya caba a wordo poni disponible for di e Regio Envelop.

Conseho di Ministro a bay di acuerdo cu e proposicion di Ministro Schouten di Landbouw, Natuur en Voedselkwaliteit, y tambe Ministro Knops di Relacionnan Interior y di Reino.

Ministro Schouten a bisa aki: “Caribe Hulandes ya caba ta na caminda pa aumenta e prosperidad general.  Na September cu a pasa mi a bishita Saba, St. Eustatius y Bonaire.  Ey mi tabata na comienzo di un di e proyectonan di e ronda prome, e hydroponics farm na Saba, y cu mi mesun wowo a mira e problema di erosion na St. Eustatius cu danki na placa di Regio Envelop ta wordo combati. Cu e impulso nobo aki, e islanan por sigui cu e bon plan y ambicionnan cu lo sigui hiba e region mas padilanti.  Y esaki ta unda cu Gobierno ta enfocando su mes cu e Regio Deals.”

Ministro Knops na su turno a bisa: “E continuacion di un contribucion di e Regio Envelop pa Caribe Hulandes ta subraya e interes cu henter Gobierno tin pa reconoce y gara e retonan cu tanto Bonaire, Saba, y St. Eustatius ta enfrentando.”

Cu e placa nobo aki, cinco proyecto na Saba, St. Eustatius y Bonaire ta haya un impulso di Reino.  Un di e proyectonan ey ta dirigi riba su mes pa combati e cantidad di rif di coral.  Rifnan di coral ta hunga un rol economico y ecologico importante den Caribe Hulandes.

Pa por defende e Rifnan di Coral aki, y tambe laga nan recupera, a bin cu un plan pa recupera coral cu ta centra na mehora e calidad di awa rond di e islanan y planta coral.

Na Bonaire ta bay bin un loket unda habitantenan por bay pa haya informacion encuanto empleo y carera,  Di e forma aki, e chens di haya trabao ta bira grandi y tin un punto di contacto pa esnan cu ta buscando trabao, trahador, y dunador di trabao.

Tambe lo tin un impulso pa cuido di muchanan na Bonaire, St. Eustatius y Saba.  Pa mehora esey cualitativamente, Gobierno a compromete pa suministra un bon alohamento pa e cuido di muchanan y opvang despues di scol.

SOCIEDAD FINANCIERO:

Pa mehora e calidad di bida y amplia prosperidad, Gobierno ta invirtiendo recursonan di Regio Envelop den e desaroyo socio-economico di Caribe Hulandes.

Gobierno anteriormente a pone 30 miyon di Euro di Regio Envelop disponible pa Bonaire, Saba, y St. Eustatius.  E proyectonan aki ta pone cu Saba y St. Eustatius, lo bay ta mas resisitente pa horcan y lo ta mas sigur.  Na Bonaire e proyectonan lo dirigi nan mes pa fortalece e mercado laboral y vivienda social.

- Advertisement -

DUNA COMENTARIO

Please enter your comment!
Please enter your name here