Home Cultura Segunda Guera Mundial ta yega Aruba

Segunda Guera Mundial ta yega Aruba

100
0
SHARE
- Advertisement -

ORANJESTAD (AAN): Diadomingo, dia 16 di februari ta recorda cu net 78 aña pasa e guera a yega nos isla y cu a laga un saldo di victimanan atras.

E guera na Aruba a cuminsa dia 6 di feburari 1942, ora cu pa 1:31 di marduga, Capitan Werner Hartenstein cu su submarino U-156 ta torpedea SS Pedernales y dos minuut despues pa 1:33 ta torpedea y sink SS Oranjestad net dilanti di rif di Lago.

Despues e ta manda 16 cayon riba Lago pero suerte a toca Lago y nos isla cu pa motibo di varios eror, no tabatin mucho daño.

Despues e ta sigui pabou na waf di Eagle y ta manda tres torpedo riba e barco Arkansas mara na waf di Eagle. Un torpedo ta dal e barco pero sin mucho daño, uno ta bay den fondo di lama y un otro ta bay riba e beach.

Despues Hartenstein ta bay for di Aruba y na 340 miya pariba di Barbados un avion militar Mericano, un Catalina PBY cu su capitan, Dryden ta sink e submarino U-156 y tur tripulante ta muri.

Señor Adolf (Dufi) Kock for di aña 2009 a scirbi e buki titula “Historia di Savaneta”. Den esaki e ta haya contacto cu un Arubiano biba na Florida, Sr. Gerrit Walters cu ta yui di Johannes y Carmen Walters-Lacle. 

Johannes tabata traha abordo di HMS van Speijk, un barco di guera Hulandes cu na Augustus 1947 a trece e restonan mortal di nos heroe, Sr. Boy Ecury, for di Corsou pa Aruba.

Aña pasa Dufi Kock a haya bishita di Gerrit Walters, cu a bin bishite y ta trece un modelo di un submarino pa e por arma cu lo representa e submarino U-156 cu e idea pa por regala Archivo Nacional Aruba. E modelo aki a wordo arma dor di Sr. George Davelaar di Curacao.

Diabierna, 14 di februari e modelo aki lo wordo entrega na Archivo Nacional Aruba, pa 4’or pa 6’or di atardi, acompaña pa algun presentacion interesante di e Gerrit Walters, George Davelaar y Dufi Kock. Bo(so) ta keda cordialmente invita pa tey presente.

 

- Advertisement -

DUNA COMENTARIO

Please enter your comment!
Please enter your name here