Home General Ta bay purba laga The Old Barbershop keda cu e mesun estilo...

Ta bay purba laga The Old Barbershop keda cu e mesun estilo di antes

257
0
SHARE
- Advertisement -

ORANJESTAD (AAN): The Old Barbershop lo habri bek!  San Nicolas lo haya un di su joyanan den tur splendor atrobe, y esaki tabata bisto cu e caranan contento Diahuebs atardi ora cu a anuncia esaki.

E biaha aki, famia Ferrara y famia Moore y e exitoso compania Gianni’s Group ta esun cu ta yudando pa pone esaki bek na bida.

The Old Barbershop ta e negoshi cu tin riba Zeppenfeldtstraat net pariba di e Gasoline Station na comienzo di promenade.

E edificio su fachada lo bay wordo conserva pa su gran parti, cu djis otro material poni dilanti, ta loke e contratista Jarvis Larmonie di IMECO Aruba NV a indica.

Parti paden di e edificio lo basha un muraya abao, pa asina crea mas espacio.  Parti patras lo traha un area full nobo den cual ta bin oficina, y tambe e toiletnan.

Siman venidero e construccion ta start, y e prome fase lo keda cla pa Augustus venidero.

The Old Barbershop lo bay haya su toque bek di pasado, esta un Bar cu su cerbeznan frieu, y tambe pasabocanan.  Posibilidad ta grandi cu Gianni’s lo bay percura pa bende nan Pizzanan autentico eynan, sin lubida e famoso Gelato cu nan tambe ta traha na Aruba.

Asociacion SNBA (San Nicolas Business Association) a mustra cu nan ta sumamente contento cu e lugar aki ta bay habri, y a ofrece tur nan cooperacion awor y den futuro.

Tin den mente pa mantene e vision di San Nicolas pa locual ta encera e parti di arte y cultura. Cu esaki ta mantene e historia di e Old Barbershop, no solamente e nomber pero e concepto di un cafe-restaurant.

E barbershop aki tabata di nan wela, Cristina Moore, cu a cumpre den añanan 1950 pa 1960. Nan a hereda e barbershop aki y Gianni’s Group a haya e chens pa cumpre como 5 aña pasa.

Ta kere cu esaki ta e momento ideal pa cuminsa e proyecto aki y pa trece algo di calidad halto pa e pueblo di San Nicolas.

- Advertisement -

DUNA COMENTARIO

Please enter your comment!
Please enter your name here