Home Gobierno Ta trahando duro pa keda cla cu presupuesto 2020 pa Maart

Ta trahando duro pa keda cla cu presupuesto 2020 pa Maart

40
0
SHARE
- Advertisement -

Prome Minister:

ORANJESTAD (AAN): Diahuebs durante un conferencia di prensa di Gobierno Prome Minister Evelyn Wever Croes a papia riba e bishita di CAft di siman pasa.

E mandatario a bisa cu locual cu a wordo treci dilanti den e conferencia di prensa di CAft ta locual nan a papia riba dje den Ministerraad.

“CAft pa prome biaha a duna un elogio na Gobierno y e presidente Gradus tabata cauteloso cu esaki ora cu el a dune, pero el a dunele”.

“El a duna elogio pasobra el a mira cu pa 2019 nos a cumpli cu locual nos a palabra, nos a baha e gastonan di personal y e cifranan di e asina yama ‘uitvoeringsrapportage’ di cuartal 4 di 2019 ta mustra cu en bez di e deficit di 25 miyon florin cu nos por tabata tin, e ta un surplus di 1 miyon florin”.

Esaki segun Croes, kende a sigui bisa cu esaki ta un prueba mas cu e maneho financiero duro, estricto y dificil ta dunando su frutonan.

“Pa loke ta trata presupuesto 2020, CAft a duna recomendacionnan y a expresa su preocupacion”.

“Nos ta comparti su preocupacion completamente cu e ta laat, pero nos ta trahando cu tur forza riba dje”.

“Ta asina cu ya desde aña pasa November cu mi tabata na Hulanda nos a palabra cu Gobierno Hulandes pa nan duna nos un poco mas tempo, pa no bin un ‘aanwijzing’ riba e tema di presupuesto”.

“Ora cu minister Knops tabata na Aruba nos a bolbe toca e tema aki y nos a pidiele un poco mas espacio y awor tur cos ta mustra cu e siman aki nos ta bay haya e conseho di Raad van Advies”.

Esaki segun e Prome Minister, kende a sigui bisa cu despues tin cu bay contesta e preguntanan di Raad van Advies, pa despues entrega esaki na Parlamento mas lihe posibel, pa den luna di Maart e por cuminza wordo trata pa despues e wordo aproba.

E mandatario a sigui bisa cu pa loke ta 2020 e ta un paso grandi.

“Pa aña 2020 no solamente nos tin cu bay di un deficit pa un surplus di 25 miyon florin, sino nos tin cu paga tambe extra interes di 50 miyon florin e aña aki compara cu aña pasa”.

“Nos tin extra PPP pa paga di 18 miyon, nos tin un deficit adicional di AZV pa paga di 12 miyon florin y nos tin algun gasto adicional cu ta 25 miyon florin”.

“Esey ta locual cu ta haci e peso pa e presupuesto 2020 hopi mas grandi y esey ta loke a tarda e proceso”, segun Croes.

El a splica cu CAft tabata tin algun recomendacion tambe.

E instancia a papia di e hecho cu nos hendenan ta bibando mas largo y cu esaki tin su efectonan tambe riba cuido di salud y riba e fondo di pensioen.

Segun e Prome Minister, CAft a duna su recomendacion con pa atende cu esaki.

“Tambe CAft a duna recomendacionnan riba gasto, unda cu nos tin cu bay baha mas gasto structural”.

“Akinan nan a papia di subsidio, nan a papia di seguridad social y nan a papia tambe di haci Gobierno mas chikito, den sentido di haci Gobierno uno di menos departamento”.

“Nos ta trahando tambe riba esey y e aña aki caba nos tin un lista di servicionan cu un Gobierno no mester haci su mes”.

“Por permiti pa otronan haci e trabaonan ey pe”.

Esaki segun Croes, kende a indica cu esaki ta algo similar na e Kerntakenanalyse.

El a sigui bisa cu ta trahando tambe riba e independizacion di servicionan di Gobierno y ta trahando tambe riba locual ta wordo yama ‘Compliance’ , esta cumplimento di impuesto.

“Na final di dia cada ciudadano di pais Aruba su deber ta pa cumpli cu su fair share pa loke cu ta toca Gobierno na belasting.

 

- Advertisement -

DUNA COMENTARIO

Please enter your comment!
Please enter your name here