Home Policial Team Special encarga cu “Straatverkoop” a detene un total di 18 persona

Team Special encarga cu “Straatverkoop” a detene un total di 18 persona

745
0
SHARE
- Advertisement -

Cuerpo Policial ta informa

ORANJESTAD (AAN): Cuerpo Polis a bolbe score y den un operativo a logra detene 18 persona cu tabata cumpra y bende droga.

Vocero di Polis, Lito Lacle a informa cu den horanan di atardi, segun un investigacion andando door di un team special encarga cu “Straatverkoop” a detene un total di 18 persona. Por lo menos 15 tabata probablemente cumprador.

Mientras nan tabata sali for di e cas, polis a para nan y tuma nan declaracion, pa despues sigui cu nan detencion. Un rato despues, fiscal y hues comisario a duna luz berde pa bay over na un entrada hudicial na un cas na Pos Chiquito y eynan a detene 3 mas como supuesto bendedor.

Lacle a indica cu un cantidad basta grandi di diferente tipo di droga a wordo confisca entre otro marihuana, cocaina y “base”, como tambe un cantidad grandi di placa.

Polis a haci uso di Team di Aresto, K9 y otro teamnan special pa por logra pone man ariba e personanan aki cu tabata bendiendo droga for di e cas aki.

Sigur un tremendo trabao di Cuerpo Policial.

 

- Advertisement -

DUNA COMENTARIO

Please enter your comment!
Please enter your name here