Home Policial Telo Geerman herida mortalmente den cabez na Monserat

Telo Geerman herida mortalmente den cabez na Monserat

1910
0
SHARE
- Advertisement -

ORANJESTAD (AAN): Cu tin arma keto bay na cantidad na Aruba, a keda demostra atrobe den fin di siman.  Y un di e casonan a resulta lamentable.

Vocero di Polis Lito Lacle, a indica cu Dialuna 10 di Februari pa exactamente 1:02 a.m., cu yamada a drenta na Central di Polis pa raporta cu un caso serio a caba di socede na Monserat.

E informe a mustra cu un hende a tira su mes den cabez y ta seriamente herida.

Unidad di Polis mesora a mobiliza pa e adres, y ora cu nan a yega, nan a bin haya e situacion serio unda e persona ta gravemente herida.

Unidad di Ambulans tambe tabatey y paramediconan a traha cu rapidez pa stabiliza e victima.  Despues di esey cu maximo urgencia a sali rumbo pa Servicio di Emergencia na Dr. Horacio Oduber Hospital.

Aki a sigui traha riba e victima pa asina stop sangramento y keda stabiliza e victima, pero esey tabata dificil.

E no a sobrevivi e heridanan grave, y pa 3:41 am, Docter Van Norden a constata morto di Michelangelo Joshua Geerman, mihor conoci como “Telo”.  El a nace dia 9 December 1991 na Aruba, pues tin 28 aña di edad.

   INVESTIGACION:

E pregunta di hopi hende ta, Telo mes a tira of ta otro hende?  Pesey mes a start un investigacion for di comienzo mesora.  Na e cas, Polis a haya 1 revolver, y esaki a wordo confisca.  Vocero Policial a indica cu e balanan tambe a wordo confisca.  Mesora a pone Recherche di Noord, como tambe e funcionarionan forensico di BFTO pa start un investigacion cientifico y completo.

Cu e investigacion forensico aki, nan por haya sa e posicion di e arma, check residuonan di e disparo riba su mannan, y demas evidencia haya na e cas lo por facilita un analisis, cu lo por guia oficialnan hudicial pa saca un conclusion corecto.

Recherche di Noord corectamente a hiba dos persona pa Warda di Polis, pa asina nan scucha nan declaracion, y alavez interoga nan.

E caso aki di Telo, a causa tristeza enorme pa e famia, y dado momento un persona eynan a hasta cuminza bira malo cu e noticia aki.  Un Ambulans mas a presenta na e adres pa yuda calma e ciudadano ey.  A manda pidi presencia di Slachtofferhulp tambe pa yuda sostene e famia den e momento tristo.

Na famia di e fayecido, DIARIO ta extende su mas profundo palabra di condolencia.

   OTRO TIRONAN SCUCHA:

Ademas di e acto di suicidio registra na Monserat, tabatin diferente informe di tiro scucha rond di Aruba.

Tabata den e anochi di Diadomingo pa Dialuna, cu habitantenan den area di Shiribana na Paradera a tende algun tiro den bario.  Esaki a spanta algun hende.

Diabierna mainta banda di 11:15 am, cu un unidad di Polis di San Nicolas a acudi na e bario di Burunbuno pasobra hendenan a tende sonido di tiro.

Coriendo den Burunbuno, Polisnan a topa cu personal di Parke Nacional Arikok, y nan a bisa cu nan tambe a haya e informe, y nan a bay check pa mira si acaso Mariniers ta haciendo training eynan, como cu nan tin palabracion cu e area di Burunbuno no ta destina pa haci esey.

Nan a bin topa si riba un tereno, un muher ta trahando cu un machine.  E machine aki ta pa agricultura, y e ta produci sonidonan casi similar cu tiro.  Pero pa yega e tereno, bo tin di pasa un caminda di santo y e ta cera cu un heki cu candal.  Pues Polis mes no por a bay check e asunto.  Pero kizas ta e machine ta produci tiro.

 

- Advertisement -

DUNA COMENTARIO

Please enter your comment!
Please enter your name here