Home Deporte Tereno di futbol na Boegoeroei ta hayando luz

Tereno di futbol na Boegoeroei ta hayando luz

398
0
SHARE
- Advertisement -

ORANJESTAD (AAN): E team cu antes tabata conoci como SV Jong Aruba Lifida, awor ta conoci como Sporting Club United.  Nan ta conoci pa hopi hende tambe como e organizadornan di competencia di fli gigantesco.

Nan tereno na Boegoeroei nunca tabatin iluminacion, y tabata haci dificil pa nan teamnan di tur division haci bon training.

Pero awor tur cos ta cambia!  Por mira aki cu hasta fundeshi a wordo basha caba pa palonan di luz wordo hisa pronto.

Parlamentario Endy Croes a dedica diadomingo ultimo pa bishita algun hogar na Aruba, alavez scucha kico ta biba den comunidad. Den transcurso di dia Parlamentario Endy Croes kende tin Deporte na su curason a pasa tira un bista riba e cancha deportivo esta e veld di futbol di Sporting Club United na Noord como cu trabaonan ta avansando riba e veld aki pa cu iluminacion.

Desde November 2017 cu a drenta gobierno tabata un di e peticionnan pa duna contribucion na e tereno aki cumpliendo cu nan deseo maximo pa nan bin na remarke pa haya iluminacion. Tin alrededor di 200 mucha ta practica aki y esaki lo haci dirigentenan, atletanan y e bario hopi feliz.

Parlamentario Endy Croes a splica cu constantemente a keda den comunicacion cu Minister di deporte Danqui Oduber pa duna atencion na e proyecto aki. Parlamentario Endy Croes ta hopi contento di por a mira e trabaonan ta avansando hasta riba diadomingo unda un grupo tabata bezig trahando. Nos ta gradici Minister Dangui Oduber pa su esfuersonan pero mesun momento ta lamenta masha masha hopi e postura di Lotto pa Deporte.

Esaki ta otro proyecto deportivo unda Lotto pa Deporte y Canadian Banknote di Canada (CBN) no a contribui ni cu 1 solo Florin. Esaki ta prueba palbabel con Lotto pa Deporte y CBN ta menosprecia 200 mucha chikito.

No obstante e actitud aki cu ta liña recta contra Statuut di Lotto e gobierno aki atrabes di su Minister di deporte Dangui Oduber a percura pa aloca fondonan necesario pa contribui cu deporte. Danki Gobierno, asina ta traha! Ta bale la pena pa sigui cumpra Lotto?

 

 

- Advertisement -

DUNA COMENTARIO

Please enter your comment!
Please enter your name here