Home Salud Tin rond di 9350 asegurado cu ya caba a bay digital

Tin rond di 9350 asegurado cu ya caba a bay digital

277
0
SHARE
- Advertisement -

Despues di introduccion di AZV App

ORANJESTAD (AAN):   Vocero di AZV, Solange Tchong a indica cu desde cu a introduci e AZV App, cual a sosode 12 di December 2019, tin un lapso di 6 pa 7 siman cu esaki a wordo lanza y tin rond di 9350 asegurado cu ya caba a bay digital.

E personanan aki tin un Digizorg Pas. Nan a download e AZV App den nan telefon celular y awor nan tin nan carchi di AZV cunan den forma digital, Tchong a indica.

Kiermen cu tin un bon acogida riba e decision pa bay over na e AZV App nobo unda cu por registra y haya e Digizorg Pas.

Segun e vocero di AZV, nan ta bay sigui encurasha e comunidad door di duna mas informacion y door di ofrece mas servicio den e area di yuda e persona pa e por registra su mes digitalmente.

AZV ta hopi contento cu esaki y kier gradici e aseguradonan pa esaki. Na momento cu un asegurado registra su mes, manera cu e registra ya e ta wordo encurasha pa e download e App y asina haya e Digizorg Pas.

No mester tin ningun preocupacion como asegurado pasobra e ZorgPas tin su validez y e asegurado por mantene den su cartera.

Si e asegurado kier bay digital, esey ta keda un opcion p’e. E mesun palabracionnan ta keda y e dunador di cuido mester controla via e webportal. Asina cu e asegurado mustra su DigiZorgPas of su zorgpas, e dunador di cuido tin un responsabilidadpa controla ariba e webportal di AZV cu ta e portal specifico y formal pa e dunadornan di cuido cu ta traha cu AZV, Tchong a splica.

El a remarca cu e Digizorgpas aki ta hopi safe. E asegurado mester acces’e pa medio di un ‘security pin’ cu e mes ta elegi. Ora di registra, e App ta bay pidi e number di AZV of por scan e Bar Code cu tin riba e zorgpas. Tin diferente componente di seguridad riba dje.

Banda di esey e App ta bay pidi pa verifica mas cu un biaha algun dato manera e ultimo dos number di e cedula, e number di telefon. Tambe lo manda un code pa medio di un text message na e number di telefon registra.

Solange Tchong  a laga sa cu AZV a traha hopi duro y cu hopi atencion na e App aki pa e ta safe. Tabata tin hopi yamada di aseguradonan cu a indica cu nan a purba instala e App. Ora di bay check ta bay haya sa cu si duna un informacion robez, manera nomber di docter robes, e ora e sistema lo saca e usuario afo y no lo laga confirma e registracion.

Esaki ta un manera pa facilita e asegurado pa no mester bay asina frecuente mas na AZV pasobra nan mes lo por comunica den futuro mas directo cu e asegurado, a bisa.

Un di e otro cambionan cu tabata tin entrante 2020 tabata cu a stimula e aseguradonan pa laga bay over na un sistema mas safe pa traha y un di nan ta cu AZV ta acepta carchi solamente y ta swipe solamente pa asina duna un mihor servicio na e clientenan, pero tambe pa reforza e parti di seguridad, e PR di AZV a indica.

- Advertisement -

DUNA COMENTARIO

Please enter your comment!
Please enter your name here