Home Comercio Tur compania mester inverti tambe den e aspecto humano por medio di...

Tur compania mester inverti tambe den e aspecto humano por medio di educacion ariba e topico di “Cyber Security”

26
0
SHARE
- Advertisement -

SETAR su Business Event a enfoca riba Cyber Security

ORANJESTAD (AAN): Diahuebs anochi SETAR a organisa su Business Event 2020 na Ritz Carlton Aruba. E topico di e aña aki ta un hopi actual y relevante pa compiannan, esta “Cyber Security”.

E orador invita pa e aña aki ta John Sileo, CEO di Sileo Group, un grupo di experto riba e topico di privacidad cu ta yuda organisacionnan proteha e privacidad cu ta impulsa nan ganashi.

Durante su discurso, Director di SETAR, Roland Croes, a comparti cu e aña aki el a cumpli 30 aña di servicio na SETAR y cu pa describi tur loke cu a pasa den SETAR durante e 30 añanan aki tres palabra ta bin na mente: Cambio, Innovacion y Crecemento. Croes a enfatisa cu mester zorg pa SETAR nunca stop di cambia, innova y crece como compania.

Ademas, Croes a repasa con e cambionan den tecnologia a impacta SETAR ora cu internet y mobilidad a crece y kico ta e cosnan cu SETAR a enfoca riba dje den aña 2019 den e area di tecnologia, modernisacion, digitalisacion, desaroyo di skills y seguridad cibernetico.

Pa aña 2020,  Roland Croes a indica cu SETAR lo concentra riba mehora y reforza e “customer experience” di clientenan di SETAR. Clientenan awendia kier stabilidad, calidad, simplicidad den prijs y pakete como tambe balor pa nan placa. E obhetivo ta cu pa final di 2020, clientenan di SETAR nota un diferencia den e “reaction time” di SETAR, e stabilidad di nos rednan y e manera cu SETAR ta reacciona riba peticionnan pa servicio.

Na su turno, e orador invita John Sileo a duna un presentacion interactivo cu humor caminda el a conta di su experiencia como un victima di “identity theft” y e influencia cu esaki tabata tin riba su bida personal y profesional.

Sileo a comparti algun ehempel di menazanan cibernetico cu ta existi actualmente y con por ta mas alerta riba esakinan como tambe con pa reacciona si en caso algo sosode.

E mensahe principal cu Sileo a trece pa dilanti ta cu como compania mester inverti no solamente den e tecnologia sino tambe den e aspecto humano por medio di educacion ariba e topico di “Cyber Security”. Mas educa personanan ta riba e tema, mas alerta nan lo ta y asina yuda preveni cualkier eventualidad.

Despues di e presentacionnan a sigui pa un recepcion caminda esnan presente por a network cu otro y intercambia di idea riba e topico di “Cyber Security” presenta durante e evento.

- Advertisement -

DUNA COMENTARIO

Please enter your comment!
Please enter your name here