Un di e sintomanan di ‘hersenbloeding’ ta sacamento y draaimento di cabez

    437
    0
    SHARE
    - Advertisement -

    Azriah Palm di Fundacion CVA Aruba preocupa cu wega peligroso

    ORANJESTAD (AAN):   E wega cu a bira viral na hopi pais tambe a causa hopi preocupacion tambe na Aruba.

    Tin hopi mayor preocupa cu e tipo di weganan aki. Docentenan, instancianan, fundacionnan tambe ta preocupa cu e seguridad y salud di e hobennan.

    Mayoria di scol no tin un EHBO Team

    Azriah Palm di Fundacion CVA Aruba a laga sa cu si algun incidente asina sosode aki na Aruba tin un problema serio pasobra mayoria di scol no tin un EHBO Team.

    Esey ta algo cu ta bay traha riba dje, a indica. Pero den e casonan aki, si un hende haya un hersenbloeding (sangramento cerebral), un di e sintomanan sigur ta sacamento y draaimento di cabez.

    Purba di pone e persona trankilo y mesora mester yama 911. Despues ta informa e mayor. Pero 911 mester wordo yama di biaha asina cu wak e prome sintoma aparece. Si ta wak sangramento den e cabez, por wak cu bao di e wowo ta cuminza bira blauw y bao di e garganta ta haya plek blauw, cual ta sintomanan cu ta mustra cu e gravedad di e caida, Palm a remarca.

    El a conseha e schoolbestuurnan pa inverti un tiki den nan personal pa tin sikiera algun docente cu ta prepara ariba e tereno di prome auxilio.

    Azriah Palm a laga sa cu riba e Facebook Page di Fundacion CVA Aruba, e mes a pone e video di e wega aki y e mes a adverti mayornan pa sinta un rato y mustra e yiu e mal joke aki y mustra nan tambe e consecuencianan.

    Por tira culpa riba e muchanan, pero si nan no tin e informacion adecuado di e consecuencianan nan ta bay keda hacie. Mayornan no mester tolera ni acepta e tipo di wega aki, Palm a finaliza bisando.

    - Advertisement -

    DUNA COMENTARIO

    Please enter your comment!
    Please enter your name here